Yuhanná 10:16 - Hodáay Pákén Ketáb Balochi zobáná

¹⁶ Maná dega pas ham hast ke cha é ramagá naant. Báyad ent áyán ham byárán. Á mani tawárá delgósha kanant. Nun ramag yakké bit o shepánk yakké bit.

Yuhanná 10:16 ပူးပေါင်းရင်းမြစ်များ

Pédáesh 49:10

Bádsháhi asá cha Yahudáay dastá narawt o hákemiay dazlatth cha áiay pádáni démá dura nabit tán hamá wahdá ke asligén wáhonda kayt o kawm áiay parmánbardára bant.

Zabur 86:9

Oo Hodáwand! Tai jórh kortagén sajjahén kawma káyant o tará sojdaha kanant, tai námá shán o shawkata dayant,

Mattá 17:5

Hamé wahdá ke angat á habará at, drapshókén jambaréá áyáni sará sáheg kort o cha jambará tawáré átk o gwashti: “É mani dóstén Bacch ent, cha eshiá man báz wassh o razá án, eshiay habarán gósh bedárét.”

Luká 15:8

Yá ke agan janénéá dah kaldár bebit o cha á dahén kaldárán yakké gár bebit, gorhá pa wati gárén kaldáray shóházá, cherág róka nakant o lógá narópit? Tán áiá dar magéjit cha wati shóházá dasta kasshit?

Yuhanná 10:11

Nékén shepánk man án. Nékén shepánk wati sáhá pa pasán nadra kant.

Yuhanná 10:2

Bale á kas ke cha gwáshay dapá poterit, pasáni shepánk ent.

Yuhanná 10:27

Mani pas mani tawárá gósha dárant, man áyán jáha kárán o á mani randgiriá kanant.

Yuhanná 10:3

Darwázagpán, gwáshay dapá pa áiá pacha kant o pas shepánkay tawáray némagá delgósha bant. Á wati jenday pasán pa nám tawára jant o áyán dhanná bárt.

Yuhanná 10:4

Wati sajjahén pasáni dhanná baragá rand, wat pésara bit o pas áiay randá góna bant, chéá ke áiay tawárá pajjáha kárant.

Yuhanná 10:5

Pas darámadéay randá nakapant, cha áiá tachant, chéá ke darámaday tawárá pajjáha nayárant.”

Yuhanná 11:52

Tahná á kawmay jáhá namerit, Hodáay sajjahén sheng o shángén chokkáni jáhá merit tánke áyán yakjáh o yakráh bekant.

Yuhanná 17:20

Man tahná pa eshán dwá nakanán, pa hamá mardomán ham dwá kanán ke esháni habará báwara kanant o mani sará imána kárant

Yuhanná 6:37

Á sajjahénán ke Pet maná dant, á mani kerrá káyant. Harkas ke mani kerrá kayt, man áiá hechbar cha wat dura nakanán.

Kásedáni Kár 15:14

Shamun Petrosá gwasht ke Hodáyá che paymá awali bará darkawmáni némagá pa mehr hayál gwar kort ke cha áyán ham pa wati námá kawmé gechén bekant.

Kásedáni Kár 18:10

Hechkas tará dasta najant o táwán dáta nakant chéá ke man tai posht o panáh án. É shahrá mani báwarmand báz ant.”

Kásedáni Kár 22:14

Gorhá Hannániáyá gón man gwasht: ‘May pet o pirokáni Hodáyá tará gechén kortag tán áiay razáyá bezánay, áiay “Pák o Nékéná” begenday o áiay tawárá cha áiay jenday dapá beshkonay.

Pulosay kágad pa Rumián 11:25

Oo brátán! Chó mabit watá cha wati kadd o kesásá master bezánét. Paméshká nalóthán cha é rázá násarpad bebét ke Esráilay yakk bahréay sará sakdeli tán hamá wahdá átkag ke darkawm sarjamiá byáyant gón.

Pa Tesálunikián Pulosay domi kágad 2:13

Oo brátán! Oo Hodáwanday dóstigén mardomán! Má báyad ent pa shomá modám Hodáay shográ begerén, chéá ke Hodáyá shomárá cha bendátá gechén kortag ke shomá Pákén Ruhay pák o palgár kanókén káray barkatá o rástiay sará wati imánay barkatá berakkét.

Petrosay Awal Kágad 2:10

Pésará shomá kawmé naatét bale annun Hodáay kawm ét. Pésará shomárá Hodáay rahmat narasetagat bale annun áiay rahmat shomárá gón ent.

Petrosay Awal Kágad 2:25

Mésháni paymá gár o sargardán atét, bale nun hamáiay kerrá per tarretagét ke shomay arwáháni shepánk o sambálók ent.

Petrosay Awal Kágad 5:4

Padá wahdé masterén shepánka kayt o paddara bit, shomá shán o shawkatay hamá tájá katthét ke hechbar gár o zawála nabit.

Elhám 3:20

Bechár, man darwázagay dapá óshtátagán o thokkagá án. Agan kasé mani tawárá eshkont o darwázagá pacha kant, man tahá káyán. Man gón áiá o á gón man waráka wárt.