Yuhanná 10:11 - Hodáay Pákén Ketáb Balochi zobáná

¹¹ Nékén shepánk man án. Nékén shepánk wati sáhá pa pasán nadra kant.

Yuhanná 10:11 ပူးပေါင်းရင်းမြစ်များ

Zabur 23:1

Hodáwand mani shopánk ent, hech chizzay mohtája nabán.

Zabur 80:1

Oo Esráilay shopánk! Gósh dár, taw ke shopánkéay paymá Issopay ramagay rahshón ay. Oo Hodá! Taw ke karrubiáni nyámá bádsháhi tahtá neshtagay, wati nurá tálán kan.

Mattá 20:28

Hamé dhawlá, Ensánay Chokk nayátkag ke mardom áiay hezmatá bekanant, átkag ke mardománi hezmatá bekant o gón wati sáhay dayagá, bázénéá berakkénit.”

Yuhanná 10:2

Bale á kas ke cha gwáshay dapá poterit, pasáni shepánk ent.

Yuhanná 15:13

Masterén mehr hamesh ent ke mardom wati sáhá pa dóstán nadr bekant.

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Petrosay Awal Kágad 5:4

Padá wahdé masterén shepánka kayt o paddara bit, shomá shán o shawkatay hamá tájá katthét ke hechbar gár o zawála nabit.

Yuhannáay Awali Kágad 3:16

Má mehr é paymá pajjáh áwort ke Masihá wati ján pa maygi nadr kort, tánke má ham wati jáná pa brátán nadr bekanén.

Elhám 7:17

Chéá ke tahtay nyámá óshtátagén Gwarándh, esháni shepánka bit o eshán zendápay chammagáni ráhá pésha dárit o Hodá cha esháni chammán har arsá pahka kant.”