Yuhanná 1:34 - Hodáay Pákén Ketáb Balochi zobáná

³⁴ Man é chizz distag o gwáhia dayán ke á Hodáay Chokk ent.”

Yuhanná 1:34 ပူးပေါင်းရင်းမြစ်များ

Zabur 2:7

Nun Hodáwanday hokmá darshána kanán ke maná gwashti: “Taw mani Bacch ay, maróchi man tará pédá kortag.

Mattá 11:27

Sajjahén chizz, Petá mani dastá dátagant. Abéd cha Petá, hechkas Chokká nazánt. Hamé dhawlá, dega hechkas Petá nazánt, abéd cha Chokká o hamá mardomán ke Chokk belóthit Petá pa áyán paddar bekant.

Mattá 16:16

Shamun Petrosá passaw dát: “Taw Masih ay, namiránén Hodáay Chokk.”

Mattá 17:5

Hamé wahdá ke angat á habará at, drapshókén jambaréá áyáni sará sáheg kort o cha jambará tawáré átk o gwashti: “É mani dóstén Bacch ent, cha eshiá man báz wassh o razá án, eshiay habarán gósh bedárét.”

Mattá 26:63

Bale Issáyá passaw nadát. Masterén dini péshwáyá padá gón áiá gwasht: “Man tará namiránén Hodáay sará sawgenda dayán, márá begwash, bárén, taw hamá Masih, Hodáay Chokk ay?”

Mattá 27:40

gwashtesh: “Oo mazanén parasteshgáhay karójók ke gwashtaget: ‘say róchá padá áiá addha kanán’. Agan taw Hodáay Chokk ay, gorhá cha salibá ér á o watá berakkén.”

Mattá 27:43

Óst o ométi pa Hodá bastag, agan Hodáyá dóst ent, berakkéniti, chéá ke gwashtagati: ‘Man Hodáay Chokk án.’”

Mattá 27:54

Hamá pawji apsar o áiay hamráhén sepáhig ke Issáay páneg atant, wahdé zeminchandh o é dega sargwastesh distant, sakk torset o gwashtesh: “Béshakk é mard Hodáay Chokk at.”

Mattá 3:17

Cha ásmáná tawáré átk: “É mani dóstén Bacch ent o man cha eshiá báz wassh o razá án.”

Mattá 4:3

Gorhá Shaytán pa áiay chakkásagá átk o gwashti: “Agan taw Hodáay Chokk ay, é sengán begwash nagan bebant.”

Mattá 4:6

gwashti: “Agan taw Hodáay Chokk ay gorhá watá cha edá jahlád dawr beday chéá ke nebisag butag: Hodá pa tai negahpániá wati préshtagán hokma kant o á, tará wati dastáni delá dárant tán tai pád dhókéá malaggit.”

Mattá 8:29

Áyán kukkár kort o gwasht: “Oo Hodáay Chokk! Tará gón má che kár ent? Cha gisshéntagén wahdá pésar, pa may azáb dayagá átkagay?”

Markás 1:1

Issá Masih, Hodáay Chokkay wasshén mestágay bongéj o shoruhát.

Markás 1:11

Cha ásmáná é tawár átk: “Taw mani dóstén Bacch ay o man cha taw báz wassh o razá án.”

Luká 1:35

Préshtagá passaw dát: “Hodáay Pákén Ruh tai sará éra kayt o borzén arshay Hodáay zór o kodrat tai sará sáhéla bit. Paméshká á, pák o Hodáay Chokk zánaga bit.

Luká 3:22

Pákén Ruh, kapótéay dróshomá áiay sará ér nesht o cha ásmáná tawáré átk ke “Taw mani dóstén Bacch ay, man cha taw báz wassh o razá án.”

Yuhanná 1:18

Kassá hechbar Hodá nadistag, bale hamá yakdánagén Chokk ke Petay bagalá ent, hamáiá Hodá pajjáréntag.

Yuhanná 1:49

Natnáilá gwasht: “Oo ostád! Taw Hodáay Chokk ay, taw Esráilay bádsháh ay.”

Yuhanná 10:30

Man o Pet yakk én.”

Yuhanná 10:36

gorhá shomá hamá mardomay sará chón kopray bohtámá janét ke Petá á gechén kortag o é jaháná rawán dátag? Á ham tahná pa é habará ke man gwashtag: ‘Hodáay Chokk án.’

Yuhanná 11:27

Martáyá gwasht: “Haw, Hodáwand! Maná báwar ent ke taw Masih ay, taw Hodáay hamá Chokk ay ke é jaháná áyagi at.”

Yuhanná 19:7

Yahudián gwasht: “Márá Sharyaté hastent ke áiay redá, é mard allamá koshag bebit, chéá ke gwashtagi: ‘Man Hodáay Chokk án.’”

Yuhanná 20:28

Tumáyá gwasht: “Oo mani Hodáwand, oo mani Hodá!”

Yuhanná 20:31

Bale é chizz nebisag butagant tánke shomá báwar bekanét ke Issá, Masih ent o Hodáay Chokk ent. É háterá ham nebisag butagant ke shomá cha imánay ráhá, áiay námay barkatá abamánén zenday wáhond bebét.

Yuhanná 6:69

márá báwar ent o zánén ke taw hamá Pákén ay ke Hodáyá dar chetag.”

Yuhannáay Awali Kágad 2:23

Harkas ke Chokká namannit, Pet ham áiayga nabit. Harkas ke Chokká mannit, Pet ham áiayga bit.

Yuhannáay Awali Kágad 3:8

Á ke gonáha kant Shaytánay chokk ent parchá ke Shaytán cha bongéjá gonáh kanán ent. Hodáay Chokk paméshká paddar but ke Shaytánay kárán bepróshit o zawál bekant.

Yuhannáay Awali Kágad 4:9

Hodáay mehr é dhawlá may nyámá paddar but ke wati yakk o yakdánagén chokki é jaháná rawán dát tánke cha áiay némagá zendmánay wáhond bebén.

Yuhannáay Awali Kágad 5:20

É chizzá ham zánén ke Hodáay Chokk átkag o márá é póh o zánti dátag ke á “Rásténá” bezánén. Má hamá “Rásténay” arwáh o jabiná én, áiay Chokk Issá Masihay arwáh o jabiná. Rástén Hodá o namiránén zend, hamá ent.

Yuhannáay Domi Kágad 1:9

Harkas ke Masihay tálimay sará mohr maóshtit o watsará démáter berawt, Hodá áiayg naent, bale harkas ke Masihay tálimay sará mohr bóshtit, ham Pet áiayg ent, ham Chokk.

Elhám 2:18

Pa Tyátirahay kelisáay préshtagá nebeshtah kan: É Hodáay Chokkay habar ant, hamáiay ke chammi chó ásay bránzá ant o pádi purah táptagén brenj. Á chosha gwashit: