Yuhanná 1:19 - Hodáay Pákén Ketáb Balochi zobáná

^19-20 Wahdé Urshalimay shahray Yahudián wati lahtén dini péshwá o Láwi kabilahay mardom Yahyáay kerrá rawán dát ke jost begerant: “Taw kay ay?” Áiá enkár nakort, tachk o pa rásti gwáhi dát o gwashti: “Man Masih naán.”

Yuhanná 1:19 ပူးပေါင်းရင်းမြစ်များ

Yuhanná 1:7

Á átk ke sháhed bebit o pa hamé rozhná gwáhi bedant, tánke sajjahén mardom cha áiay gwáhiá imán byárant.

Yuhanná 10:24

Yahudi áiay chapp o chágerdá mocch butant, gwashtesh: “Tán kadén márá é dhawlá shakkay tahá dáray? Agan taw Masih ay, rást o pakká begwash.”

Yuhanná 10:31

Yahudián yakk baré padá seng o dhók chet ke áiá sengsár bekanant.

Yuhanná 11:19

Bázén Yahudié, Martá o Maryamay kerrá pa áyáni brátay porsá átkagat.

Yuhanná 2:18

Gorhá Yahudián gwasht: “Taw gón chónén mójezah o ajabbatén neshánié sábeta kanay ke tará é káráni ejázat hastent?”

Yuhanná 2:20

Yahudián gwasht: “É mazanén parasteshgáh, chell o shash sálá jórh kanag butag, taw chón eshiá say róchá chesta kanay?”

Yuhanná 5:10

Paméshká Yahudián gón dráh butagén mardá gwasht: “Maróchi Shabbatay róch ent, tará wati nepádáni chest kanagay hakk nést.”

Yuhanná 5:15

Nun mard shot o gón Yahudián gwashti: “Áiá ke maná dráh o salámat kort, á Issá at.”

Yuhanná 5:16

Yahudián Issáay ázár dayag bendát kort, chéá ke áiá Shabbatay róchá choshén kára kortant.

Yuhanná 5:18

Cha é habarán, Yahudián pa áiay koshagá géshter tach o tága kort. Chéá ke Shabbatay hokmay próshagá abéd, áiá Hodá ham wati jenday Pet gwasht o é dhawlá, watá gón Hodáyá barábari kort.

Yuhanná 6:41

Gorhá Yahudián áiay sará irád gerag o norondhag bendát kort, chéá ke áiá gwashtagat: “Man hamá nán án ke cha ásmáná ér átkag.”

Yuhanná 6:52

Nun Yahudián pa jérhah o dapják watmánwatá gwasht: “É mard chón wati jesm o jáná dant ke má bwaréni?”

Yuhanná 7:1

Randá, Issáyá Jalilá tarr o tába kort. Yahudi áiay kóshay randá atant, paméshká nalótheti Yahudiahá bemánit.

Yuhanná 7:11

Aiday róchán, Yahudi áiay shóházá atant o jost o porsesha kort ke á kojá ent?

Yuhanná 7:15

Yahudián pa hayráni gwasht: “É mardá nawántag, inchok zántkári cha kojá áwortagi?”

Yuhanná 8:22

Yahudi watmánwatá gwashagá laggetant: “Balkén watá koshaga lóthit ke gwashagá ent: ‘Á jáhá ke mana rawán shomá átka nakanét.’”

Yuhanná 8:48

Yahudián áiay passawá darráént: “Má nagwasht ke taw Sámerié ay o tará jenné per ent?”

Yuhanná 8:52

Yahudián gón áiá gwasht: “Nun má pakká zánén ke tará jenné per. Ebráhém o sajjahén nabi mortant, bale taw gwashay: ‘Harkas ke mani habará bezurit, hechbara namerit.’

Yuhanná 8:57

Yahudián gwasht: “Tará angat panjáh sál ham nabit, taw bezán Ebráhém distag?”

Kásedáni Kár 13:25

Wahdé Yahyáay hezmatkáriay wahd halás bayagi at, áiá jost kort: ‘Shomay hayálá man kay án? Man, á naán ke shomá hayála kanét. Á cha man o randa kayt o man áiay kawshbandáni bójagay láhek ham naán.’

Kásedáni Kár 19:4

Gwashti: “Yahyáay pákshódi, gonáháni pashómániay pákshódi at. Yahyáyá wat gón mardomán gwashtagat: ‘Hamá kasé ke cha man o randa kayt, bezán Issá, shomá hamáiay sará báwar kanét.’”

Yuhannáay Awali Kágad 1:5

Á kolaw o paygám ke má cha áiá eshkotag o pa shomá jára janén, esh ent: Hodá nur o rozhn ent o áiay arwáh o jabiná hecch tahári nést.