Yuhanná 1:17 - Hodáay Pákén Ketáb Balochi zobáná

¹⁷ É rást ent ke Sharyat cha Mussáay wasilahá bakshag butag, bale rahmat o rásti cha Issá Masihay wasilahá átk.

Yuhanná 1:17 ပူးပေါင်းရင်းမြစ်များ

Pédáesh 22:18

zeminay sajjahén kawm tai poshpaday sawabá barkata gerant, chéá ke taw mani habar zortag.’”

Pédáesh 3:15

Man taig o janénay nyámá, tai nasl o janénay naslay nyámá dozhmeni pédá kanán. Eshiay nasl tai saragá jant o taw áiay páday punzá janay.”

Zabur 85:10

Mehr o wapádári yakdegará dochára kapant, adl o émeni yakdomiá chokkant.

Zabur 98:3

Áiá pa Esráilay óbádagán wati mehr o wapa yátá áwortag, zeminay sajjahén goddhi hadd o simsarán, may Hodáay dátagén neját distag.

Yuhanná 1:14

Gál ensán but o may nyámá jágahi kort. Má áiay shán o shawkat dist, hamá shán o shawkat ke Petay yakkén Chokkayg ent, hamá Chokk ke cha rahmat o rástiá sarréch ent.

Yuhanná 14:6

Issáyá gwasht: “Ráh man án, rásti man án o zend bakshók ham man án. Kass Petay kerrá sar buta nakant, agan mani ráhá marawt.

Yuhanná 18:37

Pilátusá gwasht: “Acha, taw bádsháhé ay?” Issáyá gwasht: “Taw wat maná bádsháhé gwashagá ay. Man pédá butag o donyáyá átkagán ke pa rástiá gwáhi bedayán. Harkasá ke rásti dósta bit, mani habarán gósha dárit.”

Yuhanná 5:45

Gomán makanét ke man Petay démá shomárá mayáriga kanán. É Mussá ent ke shomárá mayáriga kant, hamá Mussá ke shomá áiay sará omét bastag.

Yuhanná 7:19

Mussáyá shomárá Sharyat nadátag? Angat cha shomá hechkas Sharyatá dáragá naent. Parchá maná koshaga lóthét?”

Yuhanná 8:32

Hamá wahdi rástiá zánét o rásti shomárá ázáta kant.”

Yuhanná 9:29

Má zánén ke Hodáyá gón Mussáyá habar kortag, bale nazánén ke é mard kay ent o cha kojá átkag.”

Kásedáni Kár 28:23

Áyán gón Pulosá pa gend o nendá yakk róché gisshént o á róchá, cha pésará géshter mardom Pulosay lógá átk o mocch but. Gorhá Pulosá sabáhá beger tán bégáhá gón áyán Hodáay bádsháhiay bárawá trán kort o gwáhi dát. Áiá cha Mussáay Sharyat o gwastagén Nabiáni Ketábáni gwáhi o dalilán é johd kort ke Issáay mannógeriá áyáni delán benádénit.

Kásedáni Kár 7:38

É hamá Mussá at ke gón préshtagá hór, may pet o pirokáni mocchiá gyábáná gón at. Préshtagá Sináay kóhay sará gón áiá trán kort o Mussáyá hamódá Hodáay zend bakshókén habar geptant tán áyán pa má sar bekant.

Pulosay kágad pa Rumián 6:14

Báyad ent gonáh shomay sará hákemi makant, parchá ke shomá Sharyatay sáhegá naét, rahmatay sáhegá ét.

Pa Galátián Pulosay kágad 3:17

Mani habaray maksad esh ent ke Sharyat ke chár sad o si sálá pad átk, á ahd o paymáná nákára nakant ke Hodáyá cha pésará gisshéntag o é paymá Hodáay kawlá ham nákára nakant.