Pulosay kágad pa Rumián 9:30 - Hodáay Pákén Ketáb Balochi zobáná

³⁰ Nun ché begwashén? Hamá darkawm ke pa páki o palgáriá johdesh nakort, páki o palgári‌esh raset, hamá páki o palgári ke cha báwará kayt.

Pulosay kágad pa Rumián 9:30 ပူးပေါင်းရင်းမြစ်များ

Pulosay kágad pa Rumián 10:10

Chéá ke ensán pa del báwara kant o pák o palgár zánaga bit, gón zobáná ham mannit o é paymá rakkit.

Pulosay kágad pa Rumián 10:20

Gorhá, Eshayá nabi pa deléri o tamardi cha Hodáay kawlá gwashit: “Maná hamáyán dar gétk ke mani shóházá naatant, man watá pa hamáyán paddar kort ke mani jost o porsá naatant.”

Pulosay kágad pa Rumián 10:6

Bale á páki o palgári ke cha báwará kayt, é dhawlá gwashit: “Wati delá magwashét ‘kay ásmáná rawt?’”, bezán ke Masihá jahlád byárit,

Pulosay kágad pa Rumián 3:5

Bale agan may badkári Hodáay páki o palgáriá paddara kant, gorhá ché begwashén? Hodá náensáp ent ke áiay kahr o gazab may sará kapit? (Nun man ensáni habar kanagá án.)

Pulosay kágad pa Rumián 4:11

Bale sonnat bayagay nesháni áiá raset tán pa áiay páki o palgáriá mohr o nakshé bebit ke sonnat bayagá pésar, cha báwaray ráhá hastati. Maksad esh at ke Ebráhém hamá sajjahén mardománi pet zánag bebit ke bé sonnat bayagá imána kárant o é dhawlá á ham pák o palgár hesába bant.

Pulosay kágad pa Rumián 4:13

Ebráhém o áiay nasl o padréchá é wádah ke á jahánay mirásdára bant cha Sharyatay ráhá naraset, cha páki o palgáriay ráhá raset ke cha imáná kayt.

Pulosay kágad pa Rumián 4:22

Paméshká cha Hodáay némagá“pák o palgár hesáb árag but”.

Pulosay kágad pa Rumián 4:9

É bahtáwari tahná pa hamáyán ent ke sonnat kanag butagant? Yá pa áyán ent ham ke sonnat kanag nabutagant? Má gwashén ke Ebráhémay báwar, pa áiá páki o palgári hesáb but.

Pulosay kágad pa Rumián 5:1

Nun ke báwarmandiay sawabá pák o palgár zánag butagén, cha may Hodáwand Issá Masihay ráhá mayg o Hodáay nyámá sohl o wassháni barjáh dárag butag.

Pulosay kágad pa Rumián 9:14

Gorhá ché begwashén? Hodá náensáp ent? Hechbar!

Pulosay kágad pa Rumián 9:31

Bale Esráilián ke cha Sharyatay ráhá pa páki o palgáriá johd kort, cha Sharyatay ráhá pa páki o palgáriá narasetant.

Pa Galátián Pulosay kágad 2:16

bale angat má zánén ke mardom Sharyatay randgiriay sawabá pák o palgára nabit, Issá Masihay sará báwar kanagay sawabá pák o palgára bit. Má Issá Masihay sará báwar kortag tánke Masihay sará báwaray sawabá pák o palgár bebén, Sharyatay randgiriay sawabá na, chéá ke Sharyatay randgiriay sawabá kass pák o palgára nabit.

Pa Galátián Pulosay kágad 3:24

Gorhá, Sharyat may sarparast butag ke márá tán Masihá sar bekant, tánke má imánay sawabá pák o palgár hesáb bebén.

Pa Galátián Pulosay kágad 3:8

Pákén Ketábá péshgói kort ke Hodá chón darkawmán imánay sawabá pák o palgára kant. Hodáyá Ebráhémay kerrá wasshén mestágay jár pésará jat, gwashti: “Donyáay sajjahén kawm tai sawabá barkata gerant.”

Pa Galátián Pulosay kágad 5:5

Bale imánay sawabá, má cha Pákén Ruhay barkatá hamá páki o palgáriay wadárá én ke márá áiay omét hast.

Pa Pilipián Pulosay kágad 3:9

gón hamáiá hawár bebán. Maná á pahrézkári mabát ke cha Sharyatay ráhá rasit, hamá páki o palgári maná berasát ke cha Masihay sará báwar kanagá rasit, hamá palgári ke cha Hodáyá rasit, cha imánay ráhá.

Pa Timutáusá Pulosay awali kágad 6:11

Bale taw, oo Timutáus, Hodái mardomé ay. Cha é chizzán watá dur bedár o pahrézkári, hodátorsi, imán, mehr, sabr o ópár o narmtabiay randá bekap.

Petrosay Awal Kágad 4:3

Shomá bázén wahdé hamá káráni sará gwázéntag ke Hodánábáwarén mardomán dósta bant, chó ke badkári, hawá o hawas, hanósh o bésári, sharábwáriay mahpel, aysh o nósh o é gandagén botparasti.