Pulosay kágad pa Rumián 9:19 - Hodáay Pákén Ketáb Balochi zobáná

¹⁹ Cha man josta kanay: “Gorhá Hodá chéá angat márá éra jant? Áiay erádahay démá kay óshtáta kant?”

Pulosay kágad pa Rumián 9:19 ပူးပေါင်းရင်းမြစ်များ

Pédáesh 50:20

Shomay niyat mani táwán dayag at, bale Hodáay niyat nék at. Áiay niyat hamesh at ke bázén mardoméay sáh berakkit. É kár, hamesh ent annun bayagá ent.

Zabur 76:10

Pa ensáná tai hezhm ham tai satáay sawaba bit o pasht kaptagén hezhmá taw wati lánká banday.

Dányál 4:35

Jahánay sajjahén mahluk áiay démá hecch naant. Á, gón ásmáni lashkará wati delay tabá kára kant o gón zeminay saray nendókán ham. Choshén kasé nést ke áiay dastá bedárit o begwashit ke ‘taw ché kanagá ay?’

Markás 14:21

Chéá ke hamá dhawlá ke nebisag butag, Ensánay Chokk cha é donyáyá rawagi ent, bale bazhn o apsóz pa hamáiá ke Ensánay Chokká dróhit. Pa áiá sharter at ke hechbar cha mátá pédá mabutén.

Kásedáni Kár 2:23

É mard gón Hodáay péshzánti o gisshéntagén shawrá shomay dastá dayag but o shomá gón bédináni komakká salibay sará dratk o kosht.

Pulosay kágad pa Rumián 11:19

Nun balkén begwashay: “Á thál próshag o sendag butant tán man paywand janag bebán.”

Ákub 1:13

Á ke chakkásá kapit, magwashit: “É Hodá ent ke maná ázmáesha kant.” Chéá ke Hodá gón hecch badié chakkásaga nabit o hechkasá chakkás o waswasahá dawra nadant.

Ákub 2:18

Nun buta kant kasé begwashit: “Tai kerrá báwar hast o mani kerrá kár o kerd. Taw wati báwará bé kár o kerdá maná pésh bedár o man cha wati kár o kerdá, tará wati báwará pésha dárán.”