Pulosay kágad pa Rumián 8:26 - Hodáay Pákén Ketáb Balochi zobáná

²⁶ Hamé paymá Ruh may nezóriáni tahá márá komakka kant, chéá ke má nazánén chón o pa kojám chizzán dwá bekanén, bale Ruhay jend gón anchén nálagán pa má nyámjigeria kant ke labzesh bayán korta nakant.

Pulosay kágad pa Rumián 8:26 ပူးပေါင်းရင်းမြစ်များ

Zabur 10:17

Oo Hodáwand! Taw bazzagáni wáhagán gósha dáray, áyán delbaddhia dayay o habaránesh eshkonay.

Zabur 102:20

tánke bandigáni nálagán beshkont o hamáyán ázát bekant ke markay sezá dayag butagant,

Zabur 102:5

Cha bázén nálag o peryátá hoshkén haddh o pósté án.

Zabur 6:3

Arwáhon sakk békarár o jalájósh ent. Oo Hodáwand! Tán kadén? Tán kadén?

Zabur 6:9

Hodáwandá mani peryát gósh dáshtagant, Hodáwand mani dwáyá mannit.

Zabur 69:3

Cha bázén peryátán damon bortag, mani nokk hoshk ent o chamm wati Hodáay wadárá tahár butagant.

Mattá 10:20

Á wahdá habar kanók shomá nabét, shomay ásmáni Petay Ruh shomay zobáná habara kant.

Mattá 20:22

Issáyá passaw dát: “Shomá nazánét ché lóthagá ét. Bárén, á jámá ke mana nóshán shomá nósheta kanét?” Gwashtesh: “Ji haw, má wártia kanén.”

Luká 22:44

Á, yakk grán o jánsóchén ranjéá dochár at, paméshká géshter dwái kort o áiay héd, hónay trampáni dhawlá zeminay sará petthetant.

Yuhanná 14:16

Man wat cha Petá lóthán o á shomárá dega posht o panáhé dant ke modám gón shomá bemánit,

Pulosay kágad pa Rumián 15:1

Má ke zórmand én, báyad ent nezórén báwarmandáni kamzórián wati baddhá bezurén o bass wati jenday wasshiáni randá mabén.

Pulosay kágad pa Rumián 7:24

Oh ke man chónén syahróchén mardomé án. Kay maná cha é markigén jesmá rakkénit?

Pulosay kágad pa Rumián 8:15

Shomárá golámi ruhé narasetag ke padá betorsét, shomá pa chokki zurag butagét o Hodái Ruh shomárá rasetag. Cha hamé Ruhá kukkára kanén “Abbá, oo Pet!”

Pa Galátián Pulosay kágad 4:6

Hodáyá wati Chokkay Ruh paméshká may delán jágah dátag ke má Hodáay chokk én. Ruh kukkárá ent: “Abbá! Oo mani Pet!”

Ákub 4:3

Wahdé lóthét o narasit, pa é sawabá ent ke shomá gón badén morád o wáhagé lóthetag tán á chizzán pa wati aysh o nóshán kár bebandét.