Pulosay kágad pa Rumián 8:24 - Hodáay Pákén Ketáb Balochi zobáná

²⁴ Má gón hamé ométá rakkénag butagén, bale omété ke sarjam butag, nun omét gwashaga nabit. Chón buta kant mardom hamá chizzay ométá bebit ke hastenti?

Pulosay kágad pa Rumián 8:24 ပူးပေါင်းရင်းမြစ်များ

Zabur 146:5

Bahtáwar hamá ent Ákubay Hodá áiay komakk ent, hamá ke ométi wati Hodáwandén Hodáay sará ent,

Zabur 33:18

Haw! Hodáwanday chamm gón hamáyán ent ke cha áiá torsant, gón hamáyán ke óst o ométesh áiay mehr ent,

Zabur 33:22

Oo Hodáwand! Tai mehr may sará sáhél bát, hamá dábá ke ométen pa taw bastag.

Pulosay kágad pa Rumián 12:12

Pa ométwári gal o shádehi bekanét, sakkiáni tahá sabr o ópár pésh bedárét o wati dwáyán mohr bóshtét.

Pulosay kágad pa Rumián 15:13

Ométay Hodá ke shomá áiay sará báwar kortag, shomay delá cha shádehi o sohl o árámiá porr kanát, tán gón Pákén Ruhay wák o zórá cha ométá sarréch bebét.

Pulosay kágad pa Rumián 15:4

Har chizzé ke pésará nebisag butag, pa may tálimá butag, tán gón Pákén Ketábay bakshetagén sabr o delbaddhiá márá omét berasit.

Pulosay kágad pa Rumián 4:18

Wahdé hecch omété néstat, Ebráhémá gón ométwári báwar kort ke bázén kawméay peta bit. Anchosh ke Hodáyá gón Ebráhémá gwashtagat: “Tai poshpad o óbádag estáráni kesásá báza bant.”

Pulosay kágad pa Rumián 5:2

Cha Issá Masihay ráhá, é rahmatay darwázag ham pa má pach kanag butag o annun rahmatáni sáhegá óshtátagén, wati é ométay sará gal o shádehi ham kanén ke Hodáay shán o shawkatá sharikdára bén.

Pulosay kágad pa Rumián 8:20

Sajjahén hasti náhudagiay dastá dayag but. É cha hastiay jenday wáhag o razáyá nabut, cha hamáiay wáhag o razáyá but ke hastii náhudagiay chérá chér tarrént, bale gón é ométá

Pa Galátián Pulosay kágad 5:5

Bale imánay sawabá, má cha Pákén Ruhay barkatá hamá páki o palgáriay wadárá én ke márá áiay omét hast.

Pa Tesálunikián Pulosay awali kágad 5:8

Bale má ke róchay chokk én, má hozzhár bebén, imán o mehrá chó sénagpóshá bebandén o nejátay ométá chó jangi koláhá sará bekanén.

Pa Tesálunikián Pulosay domi kágad 2:16

May Hodáwandén Issá Masihay jend o may Hodáén Pet ke márá dósta dárit o wati rahmatay barkatá márá abadi delbaddhi o sharrén ométi dátag,

Pa Titusá Pulosay kágad 3:7

tánke má ke áiay rahmatay barkatá pák o palgár butagén, abadmánén zenday ométay mirásdár bebén.

Petrosay Awal Kágad 1:21

Cha áiay wasilahá, shomárá Hodáay sará báwar hast, hamá Hodáay sará ke Masihi cha mordagán zendag kort o shán o shawkati dát. Paméshká, shomá Hodáay sará báwara kanét o cha hamáiá ométwár ét.

Petrosay Awal Kágad 1:3

May Hodáwandén Issá Masihay Hodáén Petá satá o saná bát. Cha wati sarréchén rahmatá o gón Issá Masihay cha mordagán zendag bayagá, Hodáyá márá nóksará pédá kort tán márá zendagén omété berasit.

Yuhannáay Awali Kágad 3:3

Harkasá cha áiá choshén omété hast watá páka kant, anchosh ke á wat pák ent.