Pulosay kágad pa Rumián 7:7 - Hodáay Pákén Ketáb Balochi zobáná

⁷ Gorhá ché begwashén? Sharyat gonáh ent? Hechbar! Bale agan Sharyat mabutén, mana nazánt gonáh chéé. Agan Sharyatá magwashtén “tamáh makan”, mana nazánt tamáh o lálech chéé.

Pulosay kágad pa Rumián 7:7 ပူးပေါင်းရင်းမြစ်များ

Pédáesh 3:6

Nun janéná cháret ke á drachkay bar gwashay pa waragá wassh o gendagá zébá ent o pa zántkár bayagá delwáh. Gorhá áiá cha drachkay barán zort o wárt o wati mardárá ham dáti, ke hamráh ati. Mardá ham wárt.

Zabur 119:96

Har kamálá haddé hast, bale tai hokmán haddé nést.

Dargwaz 20:17

Pa wati hamsáhegay lógá delmánag mabay. Pa áiay jan, golám, móled, gók, har yá dega chizzéá lálech makan.”

Mattá 5:28

Bale man shomárá gwashán, agan kasé pa badchammi o deldozzi janénéá bechárit, bezán wati delá, gón hamá janéná zenái kort.

Luká 12:15

Gorhá gón mardomán gwashti: “Hozzhár bét! Watá cha har dhawlén tamáh o lálechá dur bedárét, chéá ke mál o dawlatay zyádahi ensánay zenday maksad o morád naent.”

Luká 20:16

Á kayt, é bágpánána koshit o bágá dega bágpánáni dastá dant.” Wahdé mardomán Issáay é habar eshkot, gwashtesh: “Chosh mabát!”

Kásedáni Kár 20:33

Maná cha kaséá hecch chizzéay tamáh o lálech nabutag, na sohr o tangaway, na nograh o zarray o na god o póshákay.

Pulosay kágad pa Rumián 13:9

Parchá ke “zená makan”, “hón makan”, “dozzi makan”, “tamáh makan” o á dega hokm gón hamé habará gwandh geraga bant: “Gón wati hamsáhegá wati jenday paymá mehr bekan.”

Pulosay kágad pa Rumián 3:20

Parchá ke hechkas cha Sharyatay kár bandagá Hodáay démá pahrézkár zánaga nabit, chéá ke Sharyat mardomá sarpada kant ke gonáh chéé.

Pulosay kágad pa Rumián 3:5

Bale agan may badkári Hodáay páki o palgáriá paddara kant, gorhá ché begwashén? Hodá náensáp ent ke áiay kahr o gazab may sará kapit? (Nun man ensáni habar kanagá án.)

Pulosay kágad pa Rumián 4:1

Gorhá ché begwashén, Ebráhém ke jesmi hesábá may bonpirok ent, áiá ché katthet?

Pulosay kágad pa Rumián 4:15

chéá ke Sharyat kahr o gazaba kárit. Bale ódá ke Sharyat néstent, Sharyat próshag ham nabit.

Pulosay kágad pa Rumián 5:20

Nun, Sharyat átk ke náparmáni géshter bebit, bale jáhé ke gonáh gésh but, rahmat ham sarréchter but,

Pulosay kágad pa Rumián 6:15

Gorhá ché? Paméshká ke Sharyatay sáhegá naén o rahmatay sáhegá én, gorhá gonáh bekanén? Hechbar!

Pulosay kágad pa Rumián 7:11

Gonáhá cha é hokmá sutt o páedag zort, maná radi dát o cha hamé hokmá koshti.

Pulosay kágad pa Rumián 7:13

Gorhá á chizz ke nék ent, mani markay sawab but? Hechbar! Cha á Sharyatá ke wat nék ent, gonáhá maná dém pa marká bort tán gonáh, gonáh zánag o pajjárag bebit o cha Sharyatay hokmá áiay sherri o gandagi béhesáb bebit.

Pulosay kágad pa Rumián 7:5

Wahdé may mahár gonahkárén sareshtay dastá at, may band o bógáni tahá hamá porgonáhén hawá o hawasán kára kort ke cha Sharyatay zánagá chest butagatant tánke pa marká bar o samar byárén.

Pulosay kágad pa Rumián 7:8

Bale gonáhá cha hamá hokmá sutt o páedag zort o mani delá har paymén tamáhi pédá kort. Chéá ke cha Sharyatá dhann, gonáh mortag.

Pa Tesálunikián Pulosay awali kágad 4:5

Darkawmáni dhawlá mabét ke Hodáyá nazánant o hawá o hawasáni golám ant.