Pulosay kágad pa Rumián 7:18 - Hodáay Pákén Ketáb Balochi zobáná

¹⁸ Mana zánán ke maná, bezán mani gonahkárén sareshtá hecch nékié mán nést. Maná nékén kár kanagay wáhag hast, bale korta nakanán.

Pulosay kágad pa Rumián 7:18 ပူးပေါင်းရင်းမြစ်များ

Pédáesh 6:5

Hodáwandá dist ke ensánay radkári zeminay sará sakk báz ant o sajjahén del o hayálesh modám gón badiá ent o bass.

Pédáesh 8:21

Esháni wasshén bó ke Hodáwanday kerrá sar but, wati delá gwashti: “Man cha ed o rand hechbar zeminá ensánay sawabá nálata nakanán, bell toré cha kasániá áiay delay wáhag bad ant. Cha ed o dém hechbar sajjahén sahdárán é paymá hórigá gár o gomsára nakanán ke annun kortagon.

Zabur 119:173

Tai dast pa mani komakk kanagá tayár bát ke man tai rahband gechén kortagant.

Zabur 119:176

Chó gárén paséá darpadar butagán. Wati hezmatkárá shóház kan ke man tai hokm nashamoshtagant.

Zabur 119:32

Tai hokmáni ráhá maydána kanán, ke taw mani delá dáná kanay.

Zabur 119:40

Pa tai rahbandán hodónák án, cha wati adlá maná zendag bedár.

Zabur 119:5

Pa tai hokmáni barjáh dáragá mani ráh mohr o mohkam bátant.

Zabur 51:5

Pa rásti man mayárbár pédá butagán o cha hamá wahdá ke mátay lápá kaptán, gonahkár.

Mattá 15:19

Chéá ke badén pegr o hayál, hón o kósh, zená, bénangi, dozzi, drógén sháhedi o kopr, cha delá chesta bant.

Luká 11:13

Nun agan shomá ke radkár ét, angat ham wati chokkán sharrén chizzáni dayagá zánét, gorhá may ásmáni Pet chinkadar shartera zánt ke wati lóthókén chokkán Pákén Ruhá bedant.”

Yuhanná 3:6

Á chizz ke cha jesmá pédá bit, jesm ent o á chizz ke cha Ruhá pédá bit, ruh ent.

Pulosay kágad pa Rumián 13:14

Esháni badalá, Hodáwand Issá Masihá wati póshák bekanét o wati gonahkárén sareshtay wáhagáni sarjam kanagay pad o randá mabét.

Pulosay kágad pa Rumián 7:15

Man wati jenday kár o kerdán sarpada nabán. Á kárán ke kanaga lóthán nakanánesh, bale hamá kárána kanán ke cha áyán naprata kanán.

Pulosay kágad pa Rumián 7:19

Á nékén kárán ke kanaga lóthán nakanánesh, bale hamá badén kárána kanán ke kanagesha nalóthán.

Pulosay kágad pa Rumián 7:25

Hodáay shográ gerán ke cha may Hodáwand Issá Masihay ráhá rakkán. Haw, wati pegr o hayálá Hodáay Sharyatay golámiá kanán, bale wati sareshtá gonáhay kánunay golám án.

Pulosay kágad pa Rumián 7:5

Wahdé may mahár gonahkárén sareshtay dastá at, may band o bógáni tahá hamá porgonáhén hawá o hawasán kára kort ke cha Sharyatay zánagá chest butagatant tánke pa marká bar o samar byárén.

Pa Galátián Pulosay kágad 5:17

Chéá ke gonahkárén tab o sareshtay wáhag Pákén Ruhay heláp ant o Pákén Ruhay wáhag gonahkárén tab o sareshtay heláp ant. É gón yakdomiá jangá ant o paméshká shomá á kárána nakanét ke kanagesha lóthét.

Pa Galátián Pulosay kágad 5:24

Hamá ke Issá Masihayg ant, áyán wati gonahkárén tab o saresht gón áiay hawas o sellén wáhagán yakjáh salib kasshetag.

Pa Pilipián Pulosay kágad 2:13

Chéá ke é Hodá ent ke shomay deláni tahá kár kanagá ent ke shomay erádahán o shomay kárán pa wati nékén maksadá sarjam bekant.

Pa Pilipián Pulosay kágad 3:12

Mana nagwashán ke man é chizz dastá áwortag o nun sarjam o kámelén mardomé án, bale johda kanán ke maná hamá chizz dast bekapit ke pa áiá Issá Masihá maná dast geptag.

Pa Titusá Pulosay kágad 3:3

Yakk wahdé má ham béagl o náparmán o gomráh butagén o har paymén badén wáhag o hawá o hawasáni golám butagén. Má wati zend badkári o hasadday tahá gwázéntag. Napratay hakdár butagén o má gón yakdomiá naprat kortag.

Petrosay Awal Kágad 4:2

É paymá, nun á wati mantagén jesmi zendá ensáni lóth o wáhagáni sará nagwázénit, Hodáay wáhagáni sará gwázénit.