Pulosay kágad pa Rumián 7:15 - Hodáay Pákén Ketáb Balochi zobáná

¹⁵ Man wati jenday kár o kerdán sarpada nabán. Á kárán ke kanaga lóthán nakanánesh, bale hamá kárána kanán ke cha áyán naprata kanán.

Pulosay kágad pa Rumián 7:15 ပူးပေါင်းရင်းမြစ်များ

Zabur 1:6

Ke Hodáwand pahrézkáráni ráhay negahpán ent, bale badkáráni ráh tabáhi o bégwáhi ent.

Zabur 101:3

Wati chammán sell o bazzhnákén chizzáni cháragá naylán, cha náráhén kárán bézár án, maná gón choshén chizzán kár nést.

Zabur 119:104

Cha tai rahbandán maná zánt o sarpadia rasit, paméshká maná cha har radén ráhá naprat ent.

Zabur 119:113

Cha doruén mardomán naprata kanán o tai Sharyatá dósta dárán.

Zabur 119:128

Tai sajjahén rahbandáni rástiá mannán, paméshká maná cha har radén ráhá naprat ent.

Zabur 119:163

Cha repk o prébá naprata kanán, tai Sharyatá dósta dárán.

Zabur 119:32

Tai hokmáni ráhá maydána kanán, ke taw mani delá dáná kanay.

Zabur 119:40

Pa tai rahbandán hodónák án, cha wati adlá maná zendag bedár.

Zabur 19:12

Kay ent á ke wati radián bezánt o sarpad bebit? Maná cha wati nazántagén gonáhán pák o sallah kan.

Zabur 36:4

Tantaná wati gandal o bestará pandala sázit, gonahkáriay ráhi geptag o badiá yalaha nakant.

Zabur 65:3

Á wahdá ke gonáh mani sará lombetant, taw márá bakshet.

Zabur 97:10

Shomá ke Hodáwandá dósta dárét, cha badiá naprat kanét, chiá ke á Hodádóstáni zenday negahpán ent o áyán cha badkáráni dastá nejáta dant.

Luká 11:48

É paymá, shomá wat áyáni é káray sháhed o mannóger ét. Shomay pet o pirokán paygambar koshtagant o shomá áyáni kabráni sará addiraha bandét.

Yuhanná 15:15

Cha ed o rand shomárá golám o bandaha nagwashán, chéá ke goláma nazánt wájah ché kant. Man shomárá wati dóst gwashtag chéá ke harché ke man cha Petá eshkotag, shomárá gwashtagon.

Pulosay kágad pa Rumián 12:9

Shomay mehr báyad ent zagr o pa del bebit, cha badiá naprat bekanét o gón sharri o nékiá belecchét.

Pulosay kágad pa Rumián 14:22

É chizzáni sará wati mohrén báwará watig o Hodáay nyámá bedár, taw bezánay o Hodá. Gal pa hamáiá ke wati mannetagén chizzáni sará watá mayáriga nakant.

Pulosay kágad pa Rumián 7:16

Agan hamá kárána kanán ke kanagesha nalóthán, gorhá mannán ke Sharyat sharr ent.

Pa Galátián Pulosay kágad 5:17

Chéá ke gonahkárén tab o sareshtay wáhag Pákén Ruhay heláp ant o Pákén Ruhay wáhag gonahkárén tab o sareshtay heláp ant. É gón yakdomiá jangá ant o paméshká shomá á kárána nakanét ke kanagesha lóthét.

Pa Timutáusá Pulosay domi kágad 2:19

Bale padá ham Hodáay sará báwarmand mohra óshtant, lógéay mohkamén bonyáday paymá. Hodáyá wati báwarmandáni sará é habar naksh kortag o mohr jatagant: “Hodáwand wati mardomán pajjáha kárit” o “Harkas ke Hodáwanday námá gipt, báyad ent watá cha badkáriá dur bedárit.”

Ákub 3:2

má sajjahén báz rada janén o thagala warén. Agan kasé cha wati habarán thagal mawárt, tamán o kámelén ensáné o wati sarjamén jesm o jánay mahárá dáshta kant.

Yahudáay Kágad 1:23

lahténá cha ásá bekasshét o berakkénét o dega lahténá rahmat pésh bedárét bale gón tors o larz o cha áyáni jámagán ham naprat bekanét ke áyáni jesmá palit kortagant.