Pulosay kágad pa Rumián 5:12 - Hodáay Pákén Ketáb Balochi zobáná

¹² Gorhá hamá paymá ke gonáh yakk kaséay sawabá jaháná átk o mark cha gonáhá, hamé dhawlá mark ham sajjahén mardománi nyámá sheng o tálán but, chéá ke sajjahénán gonáh kort.

Pulosay kágad pa Rumián 5:12 ပူးပေါင်းရင်းမြစ်များ

Pédáesh 2:17

bale néki o badiay zánagay drachkay bará mawar. Hamá róchá ke taw wárt, allamá meray.

Pédáesh 3:19

Gón hédén péshánigé wati naganá waray tán hamá wahdá ke háká pera tarray, chéá ke cha hameshiá zurag butagay. Taw háké ay o padá háká pera tarray.”

Pédáesh 3:6

Nun janéná cháret ke á drachkay bar gwashay pa waragá wassh o gendagá zébá ent o pa zántkár bayagá delwáh. Gorhá áiá cha drachkay barán zort o wárt o wati mardárá ham dáti, ke hamráh ati. Mardá ham wárt.

Zabur 51:5

Pa rásti man mayárbár pédá butagán o cha hamá wahdá ke mátay lápá kaptán, gonahkár.

Pulosay kágad pa Rumián 3:23

Parchá ke sajjahénán gonáh kortag o cha Hodáay shán o shawkatá dur ant,

Pulosay kágad pa Rumián 5:18

Gorhá hamá paymá ke cha yakk ensánéay gonáhá sajjahén mardom mayárig kanag butant, cha yakk ensánéay nékén kárá sajjahén mardom pák o palgár o zenday wáhonda bant.

Pulosay kágad pa Rumián 5:19

Hamá paymá ke cha yakkéay náparmániá bázén mardomé gonahkár kanag but, cha yakkéay parmánbardáriá bázéné pák o palgár ham kanaga bit.

Pulosay kágad pa Rumián 5:21

tánke, hamá paymá ke gonáhá cha markay ráhá bádsháhi kort, rahmat ham cha páki o palgáriá bádsháhi bekant o cha may Hodáwand Issá Masihay ráhá márá dém pa namiránén zendá bebárt.

Pulosay kágad pa Rumián 6:21

Gorhá shomá cha á chizzán chónén samaré bort ke nun cha áyán sharmendag ét, á chizzáni ásar mark ent.

Pulosay kágad pa Rumián 6:23

Parchá ke gonáhay mozz mark ent bale Hodáay bakshesh namiránén zend ent ke cha may Hodáwand Issá Masihay ráhá rasit.

Ákub 1:15

Sellén wáhag ke lápporra bant, gorhá gonáh pédá bit, gonáh ke rodit o mazana bit, marka kárit.

Ákub 3:2

má sajjahén báz rada janén o thagala warén. Agan kasé cha wati habarán thagal mawárt, tamán o kámelén ensáné o wati sarjamén jesm o jánay mahárá dáshta kant.