Pulosay kágad pa Rumián 4:15 - Hodáay Pákén Ketáb Balochi zobáná

¹⁵ chéá ke Sharyat kahr o gazaba kárit. Bale ódá ke Sharyat néstent, Sharyat próshag ham nabit.

Pulosay kágad pa Rumián 4:15 ပူးပေါင်းရင်းမြစ်များ

Yuhanná 15:22

Agan man mayátkénán o gón áyán habaron makortén, á bémayár atant. Bale nun áyán pa wati gonáhán hecch ozr o nimmóné nést.

Yuhanná 3:36

Á kas ke Chokkay sará imána kárit, abadmánén zenday wáhonda bit, bale á ke Chokká namannit, zenday wáhonda nabit o Hodáay kahr o gazab áiay sará kapit.

Pulosay kágad pa Rumián 1:17

Chéá ke Issáay wasshén mestágay tahá hamá páki o palgári paddara bit ke cha Hodáay némagá ent, hamá páki o palgári ke cha azal tán abad imánay sará óshtátag, anchosh ke nebisag butag: “Hamá ke cha imánay ráhá pák o palgár ent, zendaga mánit”.

Pulosay kágad pa Rumián 5:13

Cha Sharyatá pésar, gonáh jaháná hastat, bale agan Sharyaté mabit, gonáh ham hesába nabit.

Pa Galátián Pulosay kágad 3:10

Á ke Sharyati káráni sará tawkala kanant, áyáni sará nálat ent. Chéá ke Pákén Ketábá nebeshtah ent: “Harkas ke dáemá Sharyatay Ketábay sajjahén nebeshtaháni páband naent o áyáni sará kára nakant, á nálatié.”

Pa Galátián Pulosay kágad 3:19

Gorhá Sharyat chéá dayag butag? Sharyat ensánay náparmániáni sawabá dayag butag. Préshtagán áwort o myánjigerén mardoméay, bezán Mussáay dastá dát o tán hamá wahdá kárámad at ke hamá Chokk, bezán Masih byayt ke áiay áyagay kawl dayag butagat.

Yuhannáay Awali Kágad 3:4

Harkas ke gonáha kant, Sharyatay helápá kára kant, chéá ke gonáh, náshari ent.

Elhám 19:15

Cha aspswáray dapá tézén zahmé dar áyagá ent tánke gón eshiá kawmán bejant o gón ásenén asáéá áyáni sará hokmráni bekant. Á, porwákén Hodáay gazab o hezhmay sharábkasshi hawzá lagat dayagá ent.