Pulosay kágad pa Rumián 3:25 - Hodáay Pákén Ketáb Balochi zobáná

²⁵ Hodáyá á pésh kort tán cha báwaray ráhá gón wati hóná hamá korbánig bebit ke gonáhána bakshit. É kári pa wati adlay pésh dáragá kort, parchá ke gón wati Hodái ópárá cha pésarigén gonáhán sar gwastagat.

Pulosay kágad pa Rumián 3:25 ပူးပေါင်းရင်းမြစ်များ

Zabur 119:142

Tai adl dáemi o tai Sharyat rást ent.

Zabur 22:31

pa áyán ke angat wadi nabutagant áiay adl o ensápá jára janant. Gwashant: “Á hamá at ke é kári kort.”

Zabur 40:10

Tai rakkénókén madaton wati delá chér nadátag, tai wapádári o nejátbakshiay bárawá habaron kortag o cha mazanén diwáná tai mehr o wapáon napóshéntag.

Zabur 50:6

Ásmán áiay adl o rástiá jára janant, chiá ke Hodá wat dádras ent. Ósht...

Zabur 97:6

Ásmán áiay adlay járá janant o sajjahén kawm áiay shán o shawkatá gendant.

Zabur 98:2

Hodáwandá hamá neját pésh dáshtag ke cha áiay némagá ent, wati adli kawmáni chammán paddar kortag.

Yuhanná 6:47

Shomárá rásténa gwashán, á ke imána kárit abadmánén zenday wáhonda bit.

Kásedáni Kár 14:16

Pésarigén zamánagá, Hodáyá sajjahén kawm mókal dátagant ke wati ráhá wat gechén bekanant.

Kásedáni Kár 15:18

É habar cha dérigén zamánagán zánag butag.’

Kásedáni Kár 17:30

Hodá, cha ensánay pésarigén zamánagáni é názántiá sar gwastag, bale nun á har jágah harkasá parmán dayagá ent ke tawbah bekant.

Kásedáni Kár 2:23

É mard gón Hodáay péshzánti o gisshéntagén shawrá shomay dastá dayag but o shomá gón bédináni komakká salibay sará dratk o kosht.

Kásedáni Kár 3:18

Bale Hodáyá harché ke cha sajjahén nabiáni zobáná péshgói kortagat é dhawlá purah o sarjam kort. Á péshgói esh ent ke áiay Masih, ranja kasshit.

Kásedáni Kár 4:28

Áyán gón wati é kárá, tai wák o wáhag ke taw cha péshá gisshéntagat, purah o sarjam kort.

Pulosay kágad pa Rumián 2:4

Yá ke áiay mehrabáni o sabr o tahambolay ganjá béarzesha zánay o é chizzá sarpada nabay ke Hodáay mehrabániay maksad hamesh ent ke tará dém pa tawbah kanagá bebárt?

Pulosay kágad pa Rumián 3:26

Hodáyá paméshká chosh kort tán maróchigén wahdá pésh bedárit ke á, ádel ent o hamá kasá pák o palgára kant ke Issáay sará báwarmanda bit.

Pulosay kágad pa Rumián 5:1

Nun ke báwarmandiay sawabá pák o palgár zánag butagén, cha may Hodáwand Issá Masihay ráhá mayg o Hodáay nyámá sohl o wassháni barjáh dárag butag.

Pulosay kágad pa Rumián 5:11

Bale na tahná pa haminchoká, má cha wati Hodáwand Issá Masihay ráhá Hodáay sará pahra bandén, hamá Issá ke áiay sawabá annun márá sohl o wassháni rasetag.

Pulosay kágad pa Rumián 5:18

Gorhá hamá paymá ke cha yakk ensánéay gonáhá sajjahén mardom mayárig kanag butant, cha yakk ensánéay nékén kárá sajjahén mardom pák o palgár o zenday wáhonda bant.

Pulosay kágad pa Rumián 5:9

Paméshká, nun ke má cha áiay hónay ráhá pák o palgár zánag butagén, angat deljamter én ke áiay sawabá cha Hodáay kahr o gazabá rakkénaga bén.

Pa Timutáusá Pulosay awali kágad 1:15

É gapp rást ent o sarjamiá mannaga karzit ke Issá Masih pa gonahkáráni rakkénagá donyáyá átk o esháni tahá ganterén man án.

Yuhannáay Awali Kágad 1:10

Agan begwashén gonáhen nakortag, áiá drógbanda kanén o áiay habarán may delá jágah nést.

Yuhannáay Awali Kágad 2:2

Á may gonáháni shódókén korbánig ent, tahná may na, sajjahén jahánay gonáháni korbánig ent.

Yuhannáay Awali Kágad 4:10

Má gón Hodáyá mehr nakortag, mehr hamesh ent ke áiá kortag o wati Chokki dém dátag tán pa may gonáháni shodagá korbánig kanag bebit.

Elhám 13:8

Zeminay sará neshtagén sajjahén mardom rastará parastesha kanant, á sajjahén ke áyáni nám donyáay addh bayagá pésar “Zenday Ketábay” tahá, Gwarándhay ketábá nebeshtah kanag nabutagatant, hamá Gwarándh ke helár kanag butagat.

Elhám 20:15

Agan kaséay nám “Zenday Ketábay” tahá nebeshtah naat, á, ásay gwarmá dawr dayag but.

Elhám 5:9

Á nókén sawté janagá o gwashagá atant: “Taw tumáray zurag o eshiay mohráni pach kanagay láhek ay chéá ke taw helár kanag butagay o gón wati hóná pa Hodáyá cha har kabilah, zobán, kawm o rájá mardom pa bahá zortag.