Pulosay kágad pa Rumián 3:20 - Hodáay Pákén Ketáb Balochi zobáná

²⁰ Parchá ke hechkas cha Sharyatay kár bandagá Hodáay démá pahrézkár zánaga nabit, chéá ke Sharyat mardomá sarpada kant ke gonáh chéé.

Pulosay kágad pa Rumián 3:20 ပူးပေါင်းရင်းမြစ်များ

Zabur 130:3

Oo Hodáwand! Agan taw gonáhán hesáb bekanay, gorhá kay pashta kapit, oo Hodáwand?

Zabur 143:2

Wati hezmatkárá mayárig makan ke tai bárgáhá kass bémayár naent.

Kásedáni Kár 13:39

Mussáay Sharyatá shomárá cha gonáhán rakként nakort. Bale nun harkas ke Issá Masihay sará báwara kant áiay sajjahén gonáh pahell kanaga bant.

Pulosay kágad pa Rumián 2:13

Chéá ke tahná cha Sharyatay rahbandáni eshkonagá, kas Hodáay chammán pák o palgára nabit. Hamá kas pák o palgár zánaga bit ke Sharyatay rahbandáni sará kára kant.

Pulosay kágad pa Rumián 3:28

Chéá ke may báwar esh ent ke ensán cha báwarmandiá pák o palgár zánaga bit, cha Sharyatay káráni kanagá na.

Pulosay kágad pa Rumián 4:13

Ebráhém o áiay nasl o padréchá é wádah ke á jahánay mirásdára bant cha Sharyatay ráhá naraset, cha páki o palgáriay ráhá raset ke cha imáná kayt.

Pulosay kágad pa Rumián 4:15

chéá ke Sharyat kahr o gazaba kárit. Bale ódá ke Sharyat néstent, Sharyat próshag ham nabit.

Pulosay kágad pa Rumián 5:13

Cha Sharyatá pésar, gonáh jaháná hastat, bale agan Sharyaté mabit, gonáh ham hesába nabit.

Pulosay kágad pa Rumián 5:20

Nun, Sharyat átk ke náparmáni géshter bebit, bale jáhé ke gonáh gésh but, rahmat ham sarréchter but,

Pulosay kágad pa Rumián 7:11

Gonáhá cha é hokmá sutt o páedag zort, maná radi dát o cha hamé hokmá koshti.

Pulosay kágad pa Rumián 9:32

Parchá chosh but? Paméshká ke áyáni johd, báwaray sará naat, kár o kerday sará at. Áyán mán gisshénókén sengay sará thagal wárt.

Pa Galátián Pulosay kágad 2:16

bale angat má zánén ke mardom Sharyatay randgiriay sawabá pák o palgára nabit, Issá Masihay sará báwar kanagay sawabá pák o palgára bit. Má Issá Masihay sará báwar kortag tánke Masihay sará báwaray sawabá pák o palgár bebén, Sharyatay randgiriay sawabá na, chéá ke Sharyatay randgiriay sawabá kass pák o palgára nabit.

Pa Galátián Pulosay kágad 2:19

Chéá ke wahdé man zánt ke Sharyatá dáshta nakanán, man Sharyatay chammán mortán ke pa Hodáyá zendag bebán.

Pa Galátián Pulosay kágad 5:4

Shomá ke gón Sharyatay dáragá Hodáay chammán watá pák o palgára zánét, bezán shomá cha Masihá sendag butagét. Shomá cha Hodáay rahmatán dur butagét.