Pulosay kágad pa Rumián 2:4 - Hodáay Pákén Ketáb Balochi zobáná

⁴ Yá ke áiay mehrabáni o sabr o tahambolay ganjá béarzesha zánay o é chizzá sarpada nabay ke Hodáay mehrabániay maksad hamesh ent ke tará dém pa tawbah kanagá bebárt?

Pulosay kágad pa Rumián 2:4 ပူးပေါင်းရင်းမြစ်များ

Zabur 10:11

Wati delá gwashit: “Hodáyá shamoshtag démi póshéntag o hechbara nagendit.”

Zabur 104:24

Oo Hodáwand! Tai kár chinkadar báz ant, taw, é sajjahén pa hekmat addh kortagant, zemin cha tai jórh kortagénán porr ent.

Zabur 31:19

Tai néki chenkadar báz ent, ke pa Hodátorsán ambáret kortag o bani ádamáni chammáni démá pa hamáyán purah o sarjam kortag ke tai báhótha bant.

Zabur 78:38

Bale á angat mehrabán at o áyáni gonáhi bakshetant o sajjahéni nakoshtant. Rand pa randá wati hezhmia dásht o wati sajjahén gazabi darshána nakort.

Zabur 86:15

Bale taw, oo Hodáwand, rahm kanók o mehrabánén Hodáé ay, hezhm geragá déra kanay o mehr o wapáyá sarréch ay.

Zabur 86:5

Taw, oo Hodáwand, nék o bakshendah ay o pa áyán cha mehrá sarréch ay ke gón taw peryáta kanant.

Dargwaz 34:6

Hodáwand jár janáná Mussáay démá gwast: “Hodáwand án, Hodáwand, rahmán o mehrabánén Hodá man án. Gazabay áragá déra kanán o cha mehr o wapáyá porr án.

Pulosay kágad pa Rumián 10:12

É bárawá Yahudi o Yunániay nyámá park o péré nést. Chéá ke hamé yakkén Hodáwand, sajjahénáni Hodáwand ent o pa hamá drostigén mardomán békesás saki o bakshók ent ke áiá tawára kanant.

Pulosay kágad pa Rumián 11:22

Nun Hodáay mehrabáni o trondiá bechár, trondi pa hamáyán ent ke kaptagant o mehrabáni pa taw ent, agan áiay mehrabániáni sáhegá bemánay. Agan na, taw ham goddhaga bay.

Pulosay kágad pa Rumián 11:33

Pokkaw! Hodáay ganj o hekmat o zántay johlánki chinchok báz ent. Áiay shawr o saláh cha zánag o dar géjagá dur ant o ráhi cha shóházá dhann!

Pulosay kágad pa Rumián 3:25

Hodáyá á pésh kort tán cha báwaray ráhá gón wati hóná hamá korbánig bebit ke gonáhána bakshit. É kári pa wati adlay pésh dáragá kort, parchá ke gón wati Hodái ópárá cha pésarigén gonáhán sar gwastagat.

Pulosay kágad pa Rumián 6:1

Gorhá ché begwashén? Gón gonáhá démá berawén tán rahmat géshter bebit?

Pulosay kágad pa Rumián 6:15

Gorhá ché? Paméshká ke Sharyatay sáhegá naén o rahmatay sáhegá én, gorhá gonáh bekanén? Hechbar!

Pa Pilipián Pulosay kágad 4:19

Mani Hodá shomay har zaluratá wati jenday porshawkatén mál o hastiay hesábá o Issá Masihay barkatá puraha kant.

Pa Timutáusá Pulosay awali kágad 1:16

Bale mani sará paméshká rahm kanag but ke Issá Masihá lóthet gón man wati békesásén sabr o ópárá záher bekant, man ke cha sajjahénán ganter án, o é paymá man pa hamá mardomán mesálé bebán ke áiay sará imána kárant o abadmánén zendéay wáhonda bant.

Pa Timutáusá Pulosay awali kágad 6:17

Hamá mardom ke é donyáyá hastómand ant, áyán hokm beday ke gorunák mabét o wati ométá gón wati mál o hastiá mabandét ke mál o hastia kayt o rawt. Wati ométá Hodáay sará bebandét ke gón daspachi márá alkáp o peráwánén zendé dant.

Petrosay Awal Kágad 3:20

hamá arwáh ke gwastagén zamánagá náparmániesh kortagat, bezán Nuhay zamánagá ke bójig addh bayagá at o Hodá gón sabr o ópár wadárig at, bale kammén mardomé, bezán tahná hasht mardom cha ápay ráhá rakket.

Petrosay Domi Kágad 1:11

Gorhá pa shomá may Hodáwand o rakkénókén Issá Masihay abadmánén bádsháhiay darwázag, pa delpachén washátkié pacha bit.

Petrosay Domi Kágad 3:15

É habará ham mashamóshét ke may Hodáwanday sabr o ópáray maksad rakkénag ent, anchosh ke may dordánagén brát Pulosá gón Hodábakshetagén hekmaté pa shomá nebeshtag.

Petrosay Domi Kágad 3:3

Cha har chizzá pésar bezánét ke áheri zamánagán, maskará o rishkand kanókén mardom jáha janant ke wati sell o badén wáhagáni randgir ant.

Petrosay Domi Kágad 3:9

Lahtén mardom gomána kant o gwashit ke Hodáwandá wati per tarrag o áyagay kawl o wádah mahtal dáshtag, bale chosh naent. Rástén habar esh ent ke Hodáwand gón shomá sabr o ópára kant, wahd o móha dant ke gonahkár tawbah bekanant, chéá ke nalóthit kassé gár o bégwáh bebit.

Elhám 2:21

Man áiárá wahd dátag ke balkén tawbah bekant, bale á cha wati zenahkáriá pashómán bayaga nalóthit.

Elhám 3:20

Bechár, man darwázagay dapá óshtátagán o thokkagá án. Agan kasé mani tawárá eshkont o darwázagá pacha kant, man tahá káyán. Man gón áiá o á gón man waráka wárt.