Pulosay kágad pa Rumián 2:13 - Hodáay Pákén Ketáb Balochi zobáná

¹³ Chéá ke tahná cha Sharyatay rahbandáni eshkonagá, kas Hodáay chammán pák o palgára nabit. Hamá kas pák o palgár zánaga bit ke Sharyatay rahbandáni sará kára kant.

Pulosay kágad pa Rumián 2:13 ပူးပေါင်းရင်းမြစ်များ

Zabur 143:2

Wati hezmatkárá mayárig makan ke tai bárgáhá kass bémayár naent.

Luká 18:14

Nun man shomárá gwashán: Parisi na, bale hamá máliátgir nék o pahrézkár but o lógá shot, chéá ke harkas watá mazana zánt o lékit, kamsharapa bit o harkas watá jahl o érdasta mannit, washnám o sharapdára bit.”

Luká 8:21

Issáyá darráént: “Mani mát o brát hamá ant ke Hodáay habarán gósha dárant o áyáni sará kára kanant.”

Yuhanná 13:17

Nun ke shomá é habará zánét, bahtáwar ét agan anchosh bekanét.

Kásedáni Kár 13:39

Mussáay Sharyatá shomárá cha gonáhán rakként nakort. Bale nun harkas ke Issá Masihay sará báwara kant áiay sajjahén gonáh pahell kanaga bant.

Pulosay kágad pa Rumián 10:5

Hamá páki o palgári ke cha Sharyatá kayt, áiay bárawá Mussá chosha nebisit: “Harkas ke é hokmáni sará kára kant gón esháni dáragá zendaga mánit.”

Pulosay kágad pa Rumián 2:25

Borrok o sonnatá hamá wahdá arzesh hast ke Sharyatá barjáh bedáray bale agan Sharyatá bepróshay gorhá bezán sonnat kanag nabutagay.

Pulosay kágad pa Rumián 3:20

Parchá ke hechkas cha Sharyatay kár bandagá Hodáay démá pahrézkár zánaga nabit, chéá ke Sharyat mardomá sarpada kant ke gonáh chéé.

Pulosay kágad pa Rumián 3:23

Parchá ke sajjahénán gonáh kortag o cha Hodáay shán o shawkatá dur ant,

Pulosay kágad pa Rumián 3:30

parchá ke Hodá wa yakké o sonnat kortagén o sonnat nakortagénán, cha yakkén imán o báwaray ráhá pák o palgára kant.

Pa Galátián Pulosay kágad 2:16

bale angat má zánén ke mardom Sharyatay randgiriay sawabá pák o palgára nabit, Issá Masihay sará báwar kanagay sawabá pák o palgára bit. Má Issá Masihay sará báwar kortag tánke Masihay sará báwaray sawabá pák o palgár bebén, Sharyatay randgiriay sawabá na, chéá ke Sharyatay randgiriay sawabá kass pák o palgára nabit.

Pa Galátián Pulosay kágad 5:4

Shomá ke gón Sharyatay dáragá Hodáay chammán watá pák o palgára zánét, bezán shomá cha Masihá sendag butagét. Shomá cha Hodáay rahmatán dur butagét.

Ákub 1:27

Hamá Hodádósti ke may Hodáén Pet, pák o béaybia zánt: “Sakkiáni wahdá janózám o chórawáni dastá gerag” o “Watá cha é donyáay gandagián pák dárag” ent.

Yuhannáay Awali Kágad 2:29

Agan zánét ke á rást o pák ent, gorhá zánét harkas ke rástiay ráhá rawt cha hamáiá pédá butag.

Yuhannáay Awali Kágad 3:7

Oo chokkán! Bechárét kasé shomárá gomráh makant. Harkas rástiay ráhá rawt, rástén mardomé, anchosh ke á, pák o rást ent.