Pulosay kágad pa Rumián 16:7 - Hodáay Pákén Ketáb Balochi zobáná

⁷ Mani syád Andrunikás o Yuniásá ke mani hamráhiá bandig atant salám sar kanét. Kásedáni nyámá á, arzeshmand o námdárén chehrag ant o cha man o pésar, Masihay báwarmand butagant.

Pulosay kágad pa Rumián 16:7 ပူးပေါင်းရင်းမြစ်များ

Yuhanná 14:20

Á róchá shomá zánét ke man Petay del o daruná án o shomá mani del o daruná ét o man shomaygá.

Yuhanná 15:2

Mani har thálé ke bara nayárit, Pet áiá goddhit o har thálé ke bara kárit, áiá tráshit o palgárit ke géshter bar o samar byárit.

Yuhanná 6:56

Harkas ke mani jesm o jáná bwárt o mani hóná benóshit, á mani del o daruná mánit o man áiay del o daruná.

Pulosay kágad pa Rumián 16:10

Apelisá ke Issá Masihay kár o hezmatá páydár ent o anchosh ham Aristubulosay lógay mardomán salám sar kanét.

Pulosay kágad pa Rumián 16:11

Mani syád Hirudiuná salám sar kanét, Nárkisusay lógay hamá mardomán ke Hodáwanday sará báwarmand ant salám berasénét.

Pulosay kágad pa Rumián 16:21

Mani hamkár Timutáwus shomárá drót o drahbáta gwashit, anchosh mani syád Lukius, Yásun o Susipáterus pa shomá salám déma dayant.

Pulosay kágad pa Rumián 16:3

Mani salámán pa hamkárén Priskilá o Akwiláyá sar kanét, ke mani hamráhiá Issá Masihay hezmatesh kortag.

Pulosay kágad pa Rumián 16:6

Maryamá ke pa shomaygi bázén zahmaté kasshetagi salám sar kanét.

Pulosay kágad pa Rumián 16:8

Ampliátusá salám sar kanét. Á, pa Hodáwandaygi maná báz dóst ent.

Pulosay kágad pa Rumián 16:9

Masihay hezmatá may hamkár Urbánus o mani dóstén sangat Estákisá salám sar kanét.

Pulosay kágad pa Rumián 8:1

Nun pa hamá mardomán hecch mayárbárié nést ke Issá Masihayg ant.

Pulosay kágad pa Rumián 8:11

Agan hamáiay Ruh shomay delá ent ke Issá Masihi cha marká rand jáh janáént, gorhá á ke Masihi cha mordagán jáh janáént, shomay zawál bayókén jesm o jáná ham cha wati hamá Ruhá zenda bakshit ke shomay delá neshtag.

Pulosay kágad pa Rumián 9:3

Drécha wati hamrag o hamzátén brátáni háterá, man nálat kanag buténán o cha Masihá besesténán.

Pa Galátián Pulosay kágad 1:22

Masihay hamá báwarmand ke Yahudiahay kelisáyá ant, mani jendesh nadistagat,

Pa Galátián Pulosay kágad 2:2

Elháméay sawabá shotán o wasshén mestág áyáni démá bayánon kort, hamá mestág ke man pa darkawmán jár janagá án. Hamá mardom ke kelisáay sarók zánaga butant, man gón áyán jetá gend o nend kort, tánke bezánán ke bépáedagén tach o tágé kanagá nabutagán o naán.

Pa Galátián Pulosay kágad 2:6

Á ke kelisáay tahá sarók zánaga butant, áyán mani tálimáni tahá hecch chizz gésh nakort. Chónáhá ham mani kerrá é gappá hecch arzesh néstat ke á chinchok námdár ant, chéá ke Hodá ru o ryá nakant.

Pa Galátián Pulosay kágad 5:6

Chéá ke Issá Masihay ráhá sonnat bayag o nabayagay máná yakk ent, tahná hamá imáná máná hast ke cha mehray ráhá watá záhera kant.

Pa Galátián Pulosay kágad 6:15

Chéá ke sonnat bayag o nabayagay máná yakk ent. Tahná é chizzá máná hast ke taw nókén mardomé bebay.

Pa Pilimuná Pulosay kágad 1:23

Épáprás ke pa Issá Masihaygi gón man yakjáh bandig ent, tará saláma kanagá ent.

Yuhannáay Awali Kágad 4:13

Áiá márá cha wati Ruhá bahré dátag. Cha hamedá zánén ke má áiay arwáh o jabiná mánén o á may delá.

Yuhannáay Awali Kágad 5:20

É chizzá ham zánén ke Hodáay Chokk átkag o márá é póh o zánti dátag ke á “Rásténá” bezánén. Má hamá “Rásténay” arwáh o jabiná én, áiay Chokk Issá Masihay arwáh o jabiná. Rástén Hodá o namiránén zend, hamá ent.

Elhám 1:9

Man, Yuhanná, shomay brát án o hamá ázár, bádsháhi o sabr o ópárá shomay hamráh án ke márá Issáay námay sawabá rasant. Man Hodáay habar o Issáay sháhediay sawabá Patmusay jazirahá atán.