Pulosay kágad pa Rumián 16:6 - Hodáay Pákén Ketáb Balochi zobáná

⁶ Maryamá ke pa shomaygi bázén zahmaté kasshetagi salám sar kanét.

Pulosay kágad pa Rumián 16:6 ပူးပေါင်းရင်းမြစ်များ

Mattá 27:55

Bázén janéné ham, ke cha Jalilá pa Issáay hezmat o cholópagá áiay hamráhiá átkagat, dur óshtátag o cháragá atant.

Mattá 5:47

Agan éwaká wati brátán drót o drahbát begwashét, gorhá cha degarán shomay sharteri ché ent? Záná, á Hodánábáwarén darkawm ham anchosha nakanant?

Pulosay kágad pa Rumián 16:12

Bánokén Tripiná o Tripusáyá ke pa Hodáwandá bázén káré kortagesh o anchosh dordánagén Persisá ke Hodáwanday ráhá mazanén hezmati kortag salám sar kanét.

Pulosay kágad pa Rumián 16:5

Anchosh ham hamá kelisáyá mani salámán berasénét ke áyáni lógá barjáh dáraga bit. Mani dordánagén dóst Epaynétusá ke pa Masihá Ásiáay damagay awali bar o samar at, salám sar kanét.

Pulosay kágad pa Rumián 16:7

Mani syád Andrunikás o Yuniásá ke mani hamráhiá bandig atant salám sar kanét. Kásedáni nyámá á, arzeshmand o námdárén chehrag ant o cha man o pésar, Masihay báwarmand butagant.

Pa Tesálunikián Pulosay awali kágad 5:12

Oo brátán! Nun má cha shomá dazbandia kanén, hamá mardomán ezzat bedayét ke shomay nyámá zahmat kasshagá ant o Hodáwanday ráhá shomay master ant o shomárá sar o sój kanagá ant.

Pa Timutáusá Pulosay awali kágad 5:10

Á wati sharrén káráni sawabá washnámén mardomé bebit. Anchén mardomé bebit ke wati chokki sharr ródéntagant, mehmándárii kortag, palgártagénáni hezmati kortag, paréshánén mardománi komakki kortag o pa har paymén sharrén kárá modám tayár butag.