Pulosay kágad pa Rumián 16:23 - Hodáay Pákén Ketáb Balochi zobáná

²³ Gáyus ke maná o kelisáay sajjahén mardomi wati mehmándáriay sáhegá dáshtagant shomárá salám o dróta gwashit. É shahray hazánagay kelitdár Erástus o may brát Kwártus shomárá saláma gwashant.

Pulosay kágad pa Rumián 16:23 ပူးပေါင်းရင်းမြစ်များ

Kásedáni Kár 19:22

Áiá cha wati komakkárán do mardom, Timutáus o Erastus Makduniahá rawán kortant o wat kammé wahd géshter Ásiáay damagá mahtal but.

Kásedáni Kár 19:29

É paymá sajjahén shahrá shóresh chest but. Mardománi mocchi, kukkár kanán shahray maydánjáhá shot. Áyán Pulosay do hamráh ke áyáni nám Gáyus o Aristarkás at o Makduniahay mardom atant, gept, kasshakán kort o gón wat bortant.

Kásedáni Kár 20:4

Áiay hamráh esh atant: Pirrusay chokk Supáterus ke Biriahay mardomé at, Aristarkás o Sekundus ke Tesálunikiay mardom atant, Gáyus ke Derbehay mardomé at, Timutáus, Tikikus o Trupimus ke Ásiáay damagay mardom atant.

Pulosay kágad pa Rumián 16:24

May Hodáwandén Issá Masihay rahmat shomá sajjahénáni hamráh bát. Anchosh bát. Ámin.

Pa Timutáusá Pulosay domi kágad 4:20

Erástus Korentay shahrá nesht o Trupimus ke nádráh at, man Militusay shahrá yalah dát.