Pulosay kágad pa Rumián 16:19 - Hodáay Pákén Ketáb Balochi zobáná

¹⁹ Shomay parmánbardáriay tawár o áwáz sajjahénáni nyámá proshtag o man cha shomá shádmán án, bale cha shomá lóthán ke pa nékén kárán dáná o hóshmand bebét o cha sellén kárán pák o sáp bemánét.

Pulosay kágad pa Rumián 16:19 ပူးပေါင်းရင်းမြစ်များ

Zabur 101:2

Bémayáriay ráhá rawán. Mani kerrá kadi káay? Gón delpahki wati lógá zenda gwázénán.

Mattá 10:16

Gósh dárét! Man shomárá rawána kanán, bale shomá anchosha bét ke gorkáni nyámá pas. Paméshká máráni dhawlá hozzhár o kapódaráni dhawlá sádah bebét.

Luká 10:3

Berawét, ke man shomárá gwaragáni dhawlá, gorkáni nyámá rawána kanán.

Pulosay kágad pa Rumián 1:8

Har chizzá pésar, cha Issá Masihay ráhá pa shomá sajjahénán wati Hodáay shográ gerán, chéá ke shomay imánay tawár sajjahén donyáyá sheng butag.

Pa Pilipián Pulosay kágad 1:9

Mani dwá ent ke shomay mehr géshá gésh bebit o gón kámelén sarpadi o johlén zántéá hamráh bebit,

Pa Pilipián Pulosay kágad 2:15

ke shomá pák o béayb bemánét. Chóth o kajráhén padréchéay nyámá Hodáay bémayárén chokk bebét o “Zenday Gálá” mohr bedárét o chó estárá jaháná bedrapshét. Á wahdá, Mashiay áyagay róchá pahr basta kanán ke man moptén tach o tágé o béásarén johdé nakortag.