Pulosay kágad pa Rumián 14:6 - Hodáay Pákén Ketáb Balochi zobáná

⁶ Á kas ke yakk róchéá hásén róché zánt, pa Hodáwandaygi chosha kant. Á kas ke wárt ham pa Hodáwandaygia wárt, parchá ke Hodáay shográ gipt o á kas ke cha waragá pahréza kant, pa Hodáwandaygi chosha kant o Hodáay shográ gipt.

Pulosay kágad pa Rumián 14:6 ပူးပေါင်းရင်းမြစ်များ

Dargwaz 12:14

É pa shomá yátgárén róché bebit. Shomá báyad ent é róchá Hodáwanday námá jashné bekanét. Nasláni nasl é jashná abadi parmánéay hesábá barjáh bedárét.

Dargwaz 12:42

É sajjahén shapá Hodáwandá áyáni negahpáni kort ke áyán cha Mesrá dar bekant, paméshká é shap pa Esráilián Hodáwanday námá shappásié o báyad ent sajjahén Esráili é shappásiá nasláni nasl barjáh bedárant.

Dargwaz 16:25

Mussáyá gwasht: “Maróchi eshán bwarét chéá ke maróchigén róch pa Hodáwandá Shabbaté. Maróchi é warák zeminá ér áraga nabit.

Mattá 14:19

Gorhá áiá mardom sabzagén káháni sará nendagay parmán dátant, randá panchén nán o doén máhigi zortant, ásmánay némagá cháreti o Hodáay shogri gept, gorhá náni chondh chondh kort o moridáni dastá dátant. Moridán nán mardománi sará bahr kortant.

Mattá 15:36

Gorhá haptén nán o máhigi zortant, Hodáay shogri gept, náni chondh chondh kort o moridáni dastá dátant o moridán mardománi sará bahr kortant.

Yuhanná 6:28

Gorhá jostesh kort: “Má chón hamá kárán sarjam bekanén ke Hodáesh cha má lóthit?”

Pa Galátián Pulosay kágad 4:10

Shomá róch o máh o mósom o sáláni rasmána dárét.