Pulosay kágad pa Rumián 14:4 - Hodáay Pákén Ketáb Balochi zobáná

⁴ Taw kay ay ke degaréay hezmatkáray sará hokm beborray? Á wati jenday hodábonday péshgáhá óshtit yá kapit. Bale bezán ke óshtit, chéá ke Hodáwandá é wák hast ke áiá bedárit.

Pulosay kágad pa Rumián 14:4 ပူးပေါင်းရင်းမြစ်များ

Zabur 17:5

Mani pádáni pad tai ráhá naksh ant, pádon nalarzetagant.

Zabur 37:17

Chiá ke badkáráni báskay zóra proshit, bale Hodáwand pahrézkáráni madat kanók ent.

Zabur 37:24

Toré bethagalit, zeminá nakapit, chiá ke Hodáwand áiay negahpán ent.

Zabur 37:28

Chiá ke Hodáwandá adl dóst ent o wati dóstdárán yalaha nakant. Hodáwand tán abad pahrézkáráni posht o panáh ent, bale badkáráni nasl goddhaga bit.

Kásedáni Kár 11:17

Paméshká, agan hamá dád o bakshesh ke cha Hodáwandén Issá Masihay saray báwarmandiá márá dayag butagat, Hodáyá áyáná ham dátag, gorhá man kay atán ke Hodáay káráni démá bóshtáténán.”

Pulosay kágad pa Rumián 11:23

Á ham, agan wati bébáwariay sará mamánant, paywand janaga bant, chéá ke Hodáyá áyáni padá paywand janagay wák o twán hast.

Pulosay kágad pa Rumián 14:3

Á ke har chizza wárt, domiá pa áiay pahréz kanagá kamarzesh mazánt o á ke pahréza kant, á degaray sará ke har waráka wárt hokm maborrit, chéá ke Hodáyá, á wasshátk kortag o zortag.

Pulosay kágad pa Rumián 16:25

Nun Hodáyá satá o saná bát, ke cha mani é wasshén mestág o Issá Masihay kolaway jár janagay barkatá, shomárá barjáh dáshta kant. É mestágay ráz, karnáni karn chér o bétawár at,

Pulosay kágad pa Rumián 9:20

Bale, oo ensán! Pa rásti taw kay ay ke gón Hodáyá yakk o do bekanay? É sharrén habaré ke addh kortagéné wati addh kanóká begwashit: “Chéá maná é paymá addhet kortag?”

Petrosay Awal Kágad 1:5

Shomá Hodáay sará báwar kortag o Hodá ham gón wati zór o wáká pa hamá nejátá shomay negahpániá kant ke cha annuná tayár ent o áheri zamánagá paddara bit.

Yahudáay Kágad 1:24

Hamá ke shomárá cha thagal warag o kapagá mohr dáshta kant o béayb o gón mazanén shádmánié shomárá wati porshawkatén dargáhá bort o sar korta kant,