Pulosay kágad pa Rumián 14:22 - Hodáay Pákén Ketáb Balochi zobáná

²² É chizzáni sará wati mohrén báwará watig o Hodáay nyámá bedár, taw bezánay o Hodá. Gal pa hamáiá ke wati mannetagén chizzáni sará watá mayáriga nakant.

Pulosay kágad pa Rumián 14:22 ပူးပေါင်းရင်းမြစ်များ

Kásedáni Kár 24:16

Paméshká, modám johda kanán ke gón Hodá o sajjahén mardomán mani jabin o wejdán pák o palgár bebit.

Pulosay kágad pa Rumián 14:14

Man, cha Hodáwandén Issáay némagá saddak án ke hecch waráké watáwat palit naent, bale agan kasé chizzéá pa wat palit bezánt pa áiá palit ent.

Pulosay kágad pa Rumián 14:2

Yakkéay báwar áiá har chizzay waragá kellit, bale domi ke báwari nezór ent tahná sabzia wárt.

Pulosay kágad pa Rumián 14:23

Bale á ke warákéay sará shakk ent, agan áiá bwárt mayárig ent, chéá ke gón báwar o imáná nawártagi. Harché ke cha báwar o imáná mabit, gonáh ent.

Pulosay kágad pa Rumián 14:5

Kasé yakk róchéá cha dega róchéá shartera zánt o degaréay delá sajjahén róch yakk ant. Harkas wati delay hayáláni sará saddak bebit.

Pulosay kágad pa Rumián 2:1

Paméshká taw, harkas ke bebay, wahdé degarán mayáriga kanay, tará ham ozré nést. Chéá ke gón degaréay mayárig kanagá, watá mayáriga kanay. Parchá ke taw wat hamá kárána kanay.

Pulosay kágad pa Rumián 7:15

Man wati jenday kár o kerdán sarpada nabán. Á kárán ke kanaga lóthán nakanánesh, bale hamá kárána kanán ke cha áyán naprata kanán.

Pulosay kágad pa Rumián 7:24

Oh ke man chónén syahróchén mardomé án. Kay maná cha é markigén jesmá rakkénit?

Pa Galátián Pulosay kágad 6:1

Brátán! Agan shomá sahig butét ke kasé gonáhay tahá kaptag, shomá ke Pákén Ruhay hesábá zenda gwázénét, áiá pa narmi padá rástén ráhá byárét. Bale wati delgóshá bedárét ke wat chakkáséá makapét.

Ákub 3:13

Shomay nyámá dáná o aglmand kay ent? Bellét eshiá cha wati sharkerdiá pésh bedárit, gón hamá békebri o mehrabániá ke cha hekmatá kayt.

Yuhannáay Awali Kágad 3:21

Oo dordánagán! Agan may del o jabin márá mayárbár makant, gorhá Hodáay gwará ásudag o deldhaddh én.