Pulosay kágad pa Rumián 14:2 - Hodáay Pákén Ketáb Balochi zobáná

² Yakkéay báwar áiá har chizzay waragá kellit, bale domi ke báwari nezór ent tahná sabzia wárt.

Pulosay kágad pa Rumián 14:2 ပူးပေါင်းရင်းမြစ်များ

Pédáesh 1:29

Hodáyá gwasht: “Bechárét, man shomárá zeminay saray hamá sajjahén sabzagána dayán ke tohma kárant o hamá sajjahén drachkána dayán ke baránesh jenday tohm mán ent. É shomay warák ant.

Pédáesh 9:3

Har sorendah ke sáhi mán ent, shomay waráka bit o anchó ke man shomárá sabzag dátagant, nun har chizza dayán.

Dányál 1:12

“Mehrabáni bekan o márá tán dah róchá bechakkás o bechár, bell ke márá pa waragá tahná sabzi o pa nóshagá tahná áp dayag bebit.

Dányál 1:16

Gorhá apsará sháhi warák o sharáb, cha áyáni waráká dar kortant o áyáná sabzia dát.

Pulosay kágad pa Rumián 14:1

Nezórén báwarmandá wasshátk kanét o bezurét o nagisshetagén habaráni sará gón áiá jérhah makanét.

Pulosay kágad pa Rumián 14:14

Man, cha Hodáwandén Issáay némagá saddak án ke hecch waráké watáwat palit naent, bale agan kasé chizzéá pa wat palit bezánt pa áiá palit ent.

Pulosay kágad pa Rumián 14:20

Hodáay kárá pa waráká zawál makan. Pa rásti sajjahén warák pák ant, bale tai har hamá waráké pa taw bad ent ke degaréay thagal waragay sawabsáza bit.

Pulosay kágad pa Rumián 15:1

Má ke zórmand én, báyad ent nezórén báwarmandáni kamzórián wati baddhá bezurén o bass wati jenday wasshiáni randá mabén.

Pa Galátián Pulosay kágad 2:12

Gapp esh ent ke cha Ákubay némagá lahtén mardomay áyagá pésar, Képáyá gón darkawmén báwarmandán waráka wárt, bale wahdé é mardom átkant, áiá watá cha darkawmán dur dásht o áyáni nazzikká nayátk, chéá ke cha sonnat kanagay mannókán torseti.

Pa Timutáusá Pulosay awali kágad 4:4

Hodáay jórh kortagén har chizz sharr ent o chizzé ke yakkéá rasit, báyad ent pa shogrgozári bezuriti o dawri madant,

Pa Titusá Pulosay kágad 1:15

Pa pákdelén mardomán har chizz pák o sáp ent, bale á mardom ke palit o nábáwar ant, pa áyán har chizz nápák ent. Aslá, é mardománi pegr ham palit ant o zamir ham.