Pulosay kágad pa Rumián 14:13 - Hodáay Pákén Ketáb Balochi zobáná

¹³ Byáét cha ed o rand yakdomiay hokmá maborrén. Eshiay badalá, wati delá shawr bekanét ke á dega brátáni pádráhá lakoshánkén dhók ér makanét o band mabandét.

Pulosay kágad pa Rumián 14:13 ပူးပေါင်းရင်းမြစ်များ

Mattá 16:23

Issáyá chakk tarrént o gón Petrosá gwashti: “Oo Shaytán! Cha mani démá dur bay. Taw mani ráhá bandagá ay, tai hayál Hodái hayálé naent, ensáni hayálé.”

Mattá 18:7

Zár o wáwaylá pa é donyáyá ke gomráhiáni sawab ent. Nabit ke mardom rad majant o thagal mawárt, bale apsóz pa hamá kasá ke radiáni sáchók o sawabsáza bit.

Mattá 7:1

Degarán ér majanét o iráz magerét, tánke shomá ér janag mabét.

Luká 12:57

Shomá pa ché rástiá wat kesás korta nakanét?

Luká 17:2

Cha é kasánokénán yakkéay dém pa gonáhá baragay badalá, gehter hamesh ent ke áiay gardená jenteri táé bebandant o daryáyá chagali bedayant.

Pulosay kágad pa Rumián 11:9

Dáudá ham gwashtag: “Áyáni parzónag pa áyán dám o talké bát, thagal dayókén seng o sezá o azábé bát,

Pulosay kágad pa Rumián 14:10

Nun taw chéá wati brátá éra janay? Pa ché áiá kamarzesha zánay? Chéá ke hesábay róchá má sajjahén Hodáay bárgáhá óshtén.

Pulosay kágad pa Rumián 14:3

Á ke har chizza wárt, domiá pa áiay pahréz kanagá kamarzesh mazánt o á ke pahréza kant, á degaray sará ke har waráka wárt hokm maborrit, chéá ke Hodáyá, á wasshátk kortag o zortag.

Pulosay kágad pa Rumián 14:4

Taw kay ay ke degaréay hezmatkáray sará hokm beborray? Á wati jenday hodábonday péshgáhá óshtit yá kapit. Bale bezán ke óshtit, chéá ke Hodáwandá é wák hast ke áiá bedárit.

Pulosay kágad pa Rumián 16:17

Oo brátán! Cha shomá dazbandia kanán, á mardomán sharr bechárét o watá cha áyán dur bedárét ke mardománi nyámá pléndhia kanant o shomay geptagén tálimáni helápá gonáhay sawabsáza bant.

Pa Pilipián Pulosay kágad 1:10

tánke shomá sarpad bebét ke kojám chizz sharter ent o tán Masihay áyagay róchá pák o béayb bemánét o

Pa Timutáusá Pulosay awali kágad 5:14

Gorhá pa kasánén janózámán mani shawr o saláh hamesh ent ke á sur o árós bekanant, chokk byárant o wati lógáni hayáldáriá bekanant ke dozhmen áyán bohtám jat makant.

Ákub 2:4

gorhá shomá wati nyámá park o péré naesht o gón wati sellén hayálán ér janagi káré nakort?

Ákub 4:11

Oo brátán! Yakdomiá ér majanét o badgói makanét. Harkas ke wati brátá bad begwashit o áiá mayárbár bekant, rást esh ent ke áiá Sharyat bad gwashtag o mayárig kortag. Agan taw Sharyatay dádrasiá kanay, gorhá Sharyatay sará kár kanagá naay, Sharyatay helápá shawr borragá ay.

Yuhannáay Awali Kágad 2:10

Kasé ke gón wati brátá mehra kant, rozhnáiá ent o rozhnáiay tahá hecch choshén chizzé nést ke áiay rad kapag o thagal waragay sawabsáz bebit.

Elhám 2:14

Bale maná gón taw lahtén gelag hast. Tai kerrá lahtén mardom hast ke Balyámay tálimay mannók ant. Balyámá Bálák sój dát ke pa Esráilay chokkán dámé chér begéjit ke Esráilay chokk, pa botán kortagén korbánigán bwarant o béráh o rahbandén wapt o wáb bekanant.