Pulosay kágad pa Rumián 12:9 - Hodáay Pákén Ketáb Balochi zobáná

⁹ Shomay mehr báyad ent zagr o pa del bebit, cha badiá naprat bekanét o gón sharri o nékiá belecchét.

Pulosay kágad pa Rumián 12:9 ပူးပေါင်းရင်းမြစ်များ

Zabur 101:3

Wati chammán sell o bazzhnákén chizzáni cháragá naylán, cha náráhén kárán bézár án, maná gón choshén chizzán kár nést.

Zabur 119:104

Cha tai rahbandán maná zánt o sarpadia rasit, paméshká maná cha har radén ráhá naprat ent.

Zabur 119:163

Cha repk o prébá naprata kanán, tai Sharyatá dósta dárán.

Zabur 34:14

Cha badiá per tarr o néki kan, sohl o émeniay shóházá bebay o hameshiay randá bekap.

Zabur 36:4

Tantaná wati gandal o bestará pandala sázit, gonahkáriay ráhi geptag o badiá yalaha nakant.

Zabur 45:7

Taw páki o rásti dóst dáshtag o cha badiá naprat kortag, paméshká Hodáyá, tai Hodáyá, tará géshter cha tai hamráhán shádehiay rógen per moshtag.

Zabur 55:21

Zobáni chó thélá charp at bale deli jangig, dapay habari cha rógená narmter, bale kasshetagén zahm atant.

Zabur 97:10

Shomá ke Hodáwandá dósta dárét, cha badiá naprat kanét, chiá ke á Hodádóstáni zenday negahpán ent o áyán cha badkáráni dastá nejáta dant.

Mattá 26:49

Gorhá Yahudá tachkátachk Issáay kerrá átk o gwashti: “Oo ostád! Salám o drót!” Randá Issái chokket.

Yuhanná 12:6

Áiá é habar pa bazzagén mardománi gamwáriá nagwasht, paméshká gwashti ke dozzé at. Kelitdár áiay jend at o modám cha zarturagá chizzé pa watia zort.

Kásedáni Kár 11:23

Wahdé á ódá raset o Hodáay rahmati dist, gal but o mardomi delbaddhi dátant ke pa del Hodáwanday wapádár o mannók bebant.

Pa Tesálunikián Pulosay awali kágad 2:3

É dazbandiá ke má kanén, eshiá radi yá badniyati mán nést o má shomárá rad dayag ham nalóthén,

Pa Tesálunikián Pulosay awali kágad 5:15

Hayálá bedárét ke kass badiay badalá badi makant. Badi makanét o modám pa yakdegará o pa harkasá sharriay randá bebét.

Pa Tesálunikián Pulosay awali kágad 5:21

bale har chizzá bechakkásét o hamá ke sharr ent, hamáiá wati kerrá bedárét.

Pa Timutáusá Pulosay awali kágad 1:5

É hokmay maksad mehr ent ke cha sapáén del o pákén zamir o delsetkén imánéá pédá bit.

Ákub 3:17

Bale á hekmat ke cha borzá kayt, awalá ke pák o palgár ent, randá sohl árók o narm, mannók o cha néki o rahmatay bar o samará porr ent, cha park o pér o dorui o dopóstiá ham dur ent.

Petrosay Awal Kágad 1:22

Nun ke shomá gón rástiay randgiriá watá pák o palgár kortag o gón yakdegará padelén mehray wáhond butagét, gorhá pa del o setk gón yakdomiá mehr bekanét.

Petrosay Awal Kágad 4:8

Cha sajjahénán masterén gapp esh ent ke yakdomiá pa del o setk dóst bedárét ke mehr, bázén gonáhéay bakshagay sawabsáza bit.