Pulosay kágad pa Rumián 12:3 - Hodáay Pákén Ketáb Balochi zobáná

³ Gón hamá rahmatá ke maná bakshag butag shomá sajjahénána gwashán, haminchok ke hastét watá borzter mazánét. Wati bárawá pa sharri o rásti shawr beborrét o watá barábar gón haminchok báwará kesás bekanét ke Hodáyá pa shomá gisshéntag.

Pulosay kágad pa Rumián 12:3 ပူးပေါင်းရင်းမြစ်များ

Luká 18:11

Parisi óshtát o pa wati jendá dwái kort o gwashti: ‘Oo Hodá! Tai mennatwár án ke man é dega mardománi dhawlá dozz o radkár o zenahkáré naán o na é máliátgiray dhawlá án.’

Yuhanná 3:34

Á kas ke cha Hodáay némagá rawán dayag butag, Hodáay habarána kant, chéá ke Hodá wati Ruhá áiárá béhesába bakshit.

Pulosay kágad pa Rumián 1:5

Márá cha áiay némagá é rahmat o kásediay kár rasetag ke pa hamáiay námaygi, sajjahén darkawmáni nyámá anchén parmánbardárié byárén ke cha imáná kayt.

Pulosay kágad pa Rumián 11:20

Rást ent. Á thál sendag butant ke nábáwar atant, bale taw cha báwará óshtátag o mohr ay. Gorunák mabay o pa tors zend begwázén.

Pulosay kágad pa Rumián 11:25

Oo brátán! Chó mabit watá cha wati kadd o kesásá master bezánét. Paméshká nalóthán cha é rázá násarpad bebét ke Esráilay yakk bahréay sará sakdeli tán hamá wahdá átkag ke darkawm sarjamiá byáyant gón.

Pulosay kágad pa Rumián 12:16

Gón yakdomiá pa hamdeli o hamsetki zend begwázénét. Pahr o shán makanét, gón kamterénán hamráh bebét o watá báz aglmand mazánét.

Pa Galátián Pulosay kágad 6:3

Agan kasé watá mazana lékit bale hecché naent, á watá rad dayagá ent.

Pa Pilipián Pulosay kágad 2:13

Chéá ke é Hodá ent ke shomay deláni tahá kár kanagá ent ke shomay erádahán o shomay kárán pa wati nékén maksadá sarjam bekant.

Pa Timutáusá Pulosay awali kágad 1:14

Haw, may Hodáwanday rahmatán mani sará békesás gwart. Maná cha hamá imán o mehrá sarréchi kort ke cha Issá Masihay némagá rasant.

Pa Timutáusá Pulosay awali kágad 2:15

Bale janén, Chokkay pédá kanagay barkatá rakkit, agan janén imán o mehr o pákiay ráhá pa sangini démá rawán bebant.

Pa Timutáusá Pulosay awali kágad 2:9

Cha janénán ham lóthán ke shehm o rahdár bebant o monásebén póshák gwará bekanant. Watá gón warh warhá gwaptagén mudán o teláh o morwáred o gránbaháén pocch o póshákán masambahénant.

Pa Titusá Pulosay kágad 2:12

É rahmat márá tálima dant ke má watá cha hodánáparmáni o donyái hawá o hawasán dur bedárén o hamé wahdá ke má wati mobárakén ométay entezár o wadárá én, bezán wati mazanén Hodá, wati rakkénókén Issá Masihay porshawkatén áyagay wadárá én, é donyáyá pa jenday dásht o pahrézkári o Hodátorsi zend begwázénén.

Pa Titusá Pulosay kágad 2:2

Mazanomrén mardénán tálim beday ke grán o sangin bebant, sharapdár bebant o dáshtesh bebit. Báyad ent áyán rástén imán o mehr o sagg o bardásht bebit.

Pa Titusá Pulosay kágad 2:4

Gorhá kasterén janénán sar o sój korta kanant ke chón wati lógwájah o chokkán dóst bedárant,

Pa Titusá Pulosay kágad 2:6

Hamé paymá warnáén mardénán ham delbaddhi beday ke dáshtesh bebit.

Ákub 4:6

Bale rahmaté ke á márá bakshit, béhesáb géshter ent. Paméshká Pákén ketába gwashit: Hodá porkebr o gorunákén mardománi helápá mohra óshtit, bale békebr o darbéshén mardománi sará wati rahmatána gwárénit.

Petrosay Awal Kágad 1:13

Wati lánká bebandét o hozzhár bebét. Zendá pa shehm o rahdári begwázénét. Wati ométá pa Hodáay hamá rahmatán bebandét ke Issá Masih wati záher bayagay wahdá pa shomá rasénitesh.

Petrosay Awal Kágad 4:11

Kasé ke habara kant, Hodáay jenday habarán bekant o kasé ke hezmata kant gón Hodáay dátagén zór o wáká hezmat bekant, tánke cha Issá Masihay wasilahá Hodáyá satá o saná berasit. Sajjahén shán o shawkat o zór o wák abad tán abad hamáiay bátant. Anchosh bát. Ámin.

Petrosay Awal Kágad 4:7

Donyá zutt halás bayagi ent, paméshká gón shehm o rahdáriá watá grán o sangin bedárét tán dwá kort bekanét.

Petrosay Awal Kágad 5:5

Oo warnáyán! Anchosh shomá ham wati masterénáni parmánbardáriá bekanét o gón yakdomiá békebr o darbésh bebét, chéá ke: “Hodá porkebr o gorunákén mardománi helápá mohra óshtit, bale békebr o darbéshén mardománi sará wati rahmatána gwárénit.”

Petrosay Awal Kágad 5:8

Grán o sangin o hozzhár bebét, chéá ke shomay dozhmen, Shaytán, chó shérá gorrán ent o shóházá ent ke kojá shekáré berasiti tán bederrit o éri bebárt.

Yuhannáay Saymi Kágad 1:9

Chizzé pa kelisáyá nebeshtagon, bale Diutripis ke masteriay lóthók ent, may ehtiárá namannit.