Pulosay kágad pa Rumián 12:16 - Hodáay Pákén Ketáb Balochi zobáná

¹⁶ Gón yakdomiá pa hamdeli o hamsetki zend begwázénét. Pahr o shán makanét, gón kamterénán hamráh bebét o watá báz aglmand mazánét.

Pulosay kágad pa Rumián 12:16 ပူးပေါင်းရင်းမြစ်များ

Mattá 11:5

kór gendag o maym kanagá ant, lang tarrag o ráh rawagá ant, garri pák o palgár bayagá ant, karr eshkonagá ant, mordag zendag bayagá ant o bazzag o nézgárán wasshén mestág sar bayagá ent.

Mattá 26:11

Garib o nézgár modám shomay kerrá hast, bale man harwahd gón shomá gón naán.

Luká 14:13

Wahdé mehmánia kanay, gorhá nézgár o mondh o lang o kórán belóth.

Luká 6:20

Issáyá wati moridáni némagá cháret o gwashti: “Bahtáwar ét shomá ke wár o bazzag ét, chéá ke Hodáay bádsháhi shomayg ent.

Kásedáni Kár 4:32

Sajjahén báwarmand yakdel o yakján atant, hechkasá wati mál o hasti tahná watiga nazánt o sajjahén chizzán sharikdár atant.

Pulosay kágad pa Rumián 11:20

Rást ent. Á thál sendag butant ke nábáwar atant, bale taw cha báwará óshtátag o mohr ay. Gorunák mabay o pa tors zend begwázén.

Pulosay kágad pa Rumián 11:25

Oo brátán! Chó mabit watá cha wati kadd o kesásá master bezánét. Paméshká nalóthán cha é rázá násarpad bebét ke Esráilay yakk bahréay sará sakdeli tán hamá wahdá átkag ke darkawm sarjamiá byáyant gón.

Pulosay kágad pa Rumián 12:3

Gón hamá rahmatá ke maná bakshag butag shomá sajjahénána gwashán, haminchok ke hastét watá borzter mazánét. Wati bárawá pa sharri o rásti shawr beborrét o watá barábar gón haminchok báwará kesás bekanét ke Hodáyá pa shomá gisshéntag.

Pulosay kágad pa Rumián 15:5

Nun sabr o delbaddhiay Hodá shomárá anchén zendé bebakshát ke Issá Masihay paymá gón yakdomiá hamdel o hamsetk bebét,

Pulosay kágad pa Rumián 6:2

Hechbar! Má ke cha gonáhá sestag o mortagén, chón buta kant ke angat gonáháni tahá zend begwázénén?

Pa Pilipián Pulosay kágad 1:27

Toré harché bebit, wati zendá anchosh begwázénét ke Masihay wasshén mestágá bekarzét. Gorhá agan man shomay cháragá byáyán yá cha shomá dur bebán, bass sahig bebán ke shomá yakdel o yakján ét o mohr óshtátagét o pa wati báwará, bezán pa wasshén mestágá pa hamdeli johd kanagá ét o

Pa Pilipián Pulosay kágad 3:16

Bale byáét hamá chizzán mohr bedárén ke máshomá tán é wahdi dastá áwortagant.

Pa Pilipián Pulosay kágad 4:2

Man gón Yudiah o Sentiki doénán dazbandia kanán ke Hodáwanday ráhá hamdel o tepák bebant.

Petrosay Awal Kágad 3:8

Néth, shomá sajjahén yakdel o hamdard bebét, gón yakdomiá mehr bekanét, narmdel o békebr bebét.

Petrosay Awal Kágad 5:3

É ramagay sará wájahi makanét ke shomay dastá dayag butag, pa eshiá sharrén mesálé bebét.

Yuhannáay Saymi Kágad 1:9

Chizzé pa kelisáyá nebeshtagon, bale Diutripis ke masteriay lóthók ent, may ehtiárá namannit.