Pulosay kágad pa Rumián 11:7 - Hodáay Pákén Ketáb Balochi zobáná

⁷ Gorhá ché? Á chizz ke Esráil áiay shóházá at naraseti, gechén kortagénán raset bale á degaráni del seng but.

Pulosay kágad pa Rumián 11:7 ပူးပေါင်းရင်းမြစ်များ

Markás 6:52

chéá ke áyán angat naganay mójezah sarkech nawártagat, delesh sakk o seng at.

Luká 13:24

Áiá passaw dát: “Johd kanét cha tankén darwázagá begwazét, chéá ke man shomárá gwashán, bázéné cha hamé darwázagá gwazagay johdá kant, bale gwasta nakant.

Yuhanná 12:40

“Áyáni chammi kór o deli seng kortagant ke gón chammán magendant, gón delán sarpad mabant o dém pa man per matarrant. Agan mani kerrá byátkénant, man dráh kortagatant.”

Pulosay kágad pa Rumián 10:3

Cha á páki o palgáriá násahig o násarpad atant ke cha Hodáay némagá ent o wati jenday páki o palgáriay jórhénagay johdá atant, paméshká watá á páki o palgáriay dastá nadátagesh ke cha Hodáay némagá ent.

Pulosay kágad pa Rumián 11:25

Oo brátán! Chó mabit watá cha wati kadd o kesásá master bezánét. Paméshká nalóthán cha é rázá násarpad bebét ke Esráilay yakk bahréay sará sakdeli tán hamá wahdá átkag ke darkawm sarjamiá byáyant gón.

Pulosay kágad pa Rumián 11:5

Hamé paymá, maróchi ham lahtén choshén pasht kaptag ke cha rahmatay ráhá gechén kanag butagant.

Pulosay kágad pa Rumián 3:9

Gorhá ché begwashén? May, Yahudiáni hál cha á degarán gehter ent? Na, hecch paymá gehter naent! Chéá ke má é habar paddar o pakká kortag ke sajjahén mardom, Yahudi o Yunáni, gonáhay bandig ant.

Pulosay kágad pa Rumián 6:15

Gorhá ché? Paméshká ke Sharyatay sáhegá naén o rahmatay sáhegá én, gorhá gonáh bekanén? Hechbar!

Pulosay kágad pa Rumián 9:18

Gorhá bezán, Hodá harkasay sará ke belóthit rahma kant o harkasay delá ke belóthit senga kant.

Pulosay kágad pa Rumián 9:23

Gorhá ché? Balkén áiá chosh kortag tán wati shán o shawkatá hamá mardomán pésh bedárit ke áiay rahmatay chérá ant, hamá mardom ke Hodáyá pésará pa shán o shawkatá tayár kortagant.

Pa Pilipián Pulosay kágad 1:18

Gorhá ché? Toré pa badniyati Masihay járá bejanant yá pa del o setk, bale har warhá Masihay jár wa janag bayagá ent o man cha é kárá shádán án. Haw, modám shádmánia kanán