Pulosay kágad pa Rumián 11:23 - Hodáay Pákén Ketáb Balochi zobáná

²³ Á ham, agan wati bébáwariay sará mamánant, paywand janaga bant, chéá ke Hodáyá áyáni padá paywand janagay wák o twán hast.

Pulosay kágad pa Rumián 11:23 ပူးပေါင်းရင်းမြစ်များ

Mattá 23:39

Shomárá gwashán, dega baré maná nagendét tán á wahdá ke wati zobáná begwashét: ‘Mobárak bát hamá ke pa Hodáwanday námá kayt.’”

Pulosay kágad pa Rumián 11:17

Agan drachkay lahtén thál próshag o sendag butag o taw ke jangali zaytunay thálé ay, á dega tháláni nyámá gón drachká paywand janag butagay o nun zaytunay risshagay porzórén shiragá sharikdár ay,

Pulosay kágad pa Rumián 11:24

Taw cha hamá zaytunay drachká goddhag butagay ke wati zátá jangali ent o wati zátay helápá gón keshtagén zaytuná paywand janag butagay. Gorhá hamá ke é zaytunay asligén thál ant, che paymá pa arzáni gón wati jenday drachká padá paywand janag buta nakanant?