Pulosay kágad pa Rumián 11:16 - Hodáay Pákén Ketáb Balochi zobáná

¹⁶ Agan homiray hamá chánag pák bebit ke awali bar o samar ent, gorhá bezán tarunay sajjahén nagan ham pák ant, agan risshag pák bebit thál ham pák ant.

Pulosay kágad pa Rumián 11:16 ပူးပေါင်းရင်းမြစ်များ

Pédáesh 17:7

Man wati o tai nyámay ahd o paymáná abadmánén ahd o paymáné jórha kanán, gón taw o gón tai áyókén nasl o padréchá. Man tai Hodá án o cha taw rand tai poshpaday Hodá bán.

Dargwaz 22:29

Cha wati keshár o shiragán mani bahray dayagá dér makan. Wati awali mardénchokká maná beday.

Dargwaz 23:16

Rón o Móshay Aidá gón wati hamá kesháráni awali bar o samarán jashn beger ke taw wati dhagárá keshtagant. Érahtay Aidá sálay goddhi róchán jashn beger, hamá wahdá ke wati dhagáray bar o samará moccha kanay.

Dargwaz 23:19

Wati zeminay awali bar o samará wati Hodáwandén Hodáay lógá byár. Shenekkay góshtá mátay shiray tahá lahrh maday.

Pulosay kágad pa Rumián 11:17

Agan drachkay lahtén thál próshag o sendag butag o taw ke jangali zaytunay thálé ay, á dega tháláni nyámá gón drachká paywand janag butagay o nun zaytunay risshagay porzórén shiragá sharikdár ay,

Pulosay kágad pa Rumián 8:23

Tahná hasti nálagá naent, má wat ham ke cha Ruhay awali bar o samará sharikdár butagén, wati daruná nálagá én, hamé wahdá ke pa bésabri wadárá én ke márá pa chokki bezurit, tánke may jesm o ján ázát kanag bebit.

Ákub 1:18

Áiay wáhag hamé butag ke márá cha rástiay habaray wasilahá pédá bekant, tánke áiay jórh kortagénáni awali bar o samar bebén.

Elhám 14:4

É hamá ant ke watá gón janénán palitesh nakortag chéá ke dast najatagén ant. Har jágah ke Gwarándha rawt, é randgiria kanant. É cha mardománi nyámá mókag butagant, Hodá o Gwarándhay awali bar o samar ant.