Pulosay kágad pa Rumián 10:19 - Hodáay Pákén Ketáb Balochi zobáná

¹⁹ Padá josta kanán: “Esráil sarpad nabutag?” Awalá, Mussá cha Hodáay kawlá gwashit: “Man shomárá hamá mardománi hasaddiga kanán ke kawmé naant; shomárá gón násarpadén kawmé hezhmnáka kanán.”

Pulosay kágad pa Rumián 10:19 ပူးပေါင်းရင်းမြစ်များ

Pulosay kágad pa Rumián 10:18

Bale nun josta kanán: “Áyán naeshkotag?” Allam eshkotagesh, parchá ke: “Áyáni tawár sajjahén donyáyá shotag o áyáni habar jahánay goddhi marz o simsarán sar butagant.”

Pulosay kágad pa Rumián 11:11

Gorhá josta kanán, áyán anchosh thagal wártag ke bekapant o padá pád átk makanant? Hechbar! Áyáni thagal waragay sawabá rakkag pa darkawmán átkag tán Esráiliáni hasadd pád byayt.

Pulosay kágad pa Rumián 11:14

pa é ométá ke wati jenday mardomán hasaddig bekanán o é paymá cha áyán lahténá berakkénán.

Pulosay kágad pa Rumián 3:26

Hodáyá paméshká chosh kort tán maróchigén wahdá pésh bedárit ke á, ádel ent o hamá kasá pák o palgára kant ke Issáay sará báwarmanda bit.

Pa Titusá Pulosay kágad 3:3

Yakk wahdé má ham béagl o náparmán o gomráh butagén o har paymén badén wáhag o hawá o hawasáni golám butagén. Má wati zend badkári o hasadday tahá gwázéntag. Napratay hakdár butagén o má gón yakdomiá naprat kortag.

Petrosay Awal Kágad 2:10

Pésará shomá kawmé naatét bale annun Hodáay kawm ét. Pésará shomárá Hodáay rahmat narasetagat bale annun áiay rahmat shomárá gón ent.