Pulosay kágad pa Rumián 1:9 - Hodáay Pákén Ketáb Balochi zobáná

⁹ Hamá Hodá ke man pa ján o del, gón áiay Chokkay wasshén mestágay sar kanagá áiay hezmatá kanán, wat sháhed ent ke wati dwáyáni tahá modám shomárá yáta kanán.

Pulosay kágad pa Rumián 1:9 ပူးပေါင်းရင်းမြစ်များ

Markás 1:1

Issá Masih, Hodáay Chokkay wasshén mestágay bongéj o shoruhát.

Luká 18:1

Issáyá pa moridán mesálé áwort tán áyán sarkech bedant o pésh bedárit ke harwahd dwá bekanant o hechbar delprósh o náomét mabant.

Kásedáni Kár 12:5

Petros angat jélá bandig at o kelisá gón bázén delsetkié pa áiá Hodáay bárgáhá dwá kanagá at.

Kásedáni Kár 19:21

Cha é káráni sarjamiá rand, Pulosá wati delá shawr kort Makduniah o Akáyahay damagán gwazán, Urshalimá berawt. Gwashti: “Cha óday rawagá rand, maná allam, Rumay shahr ham gendagi ent.”

Kásedáni Kár 24:14

Bale tai démá é habará mannán ke ‘É Ráhay’ randgir o mannók án ke mardom áiá náráhén dini thólié gwashant. Wati pet o pirokáni Hodáyá parastesha kanán o harché ke Tawrát o Nabiáni Ketábán nebeshtah ent, man áyáni báwarmand án.

Kásedáni Kár 27:23

É habará, man paméshká zánán ke dóshi cha hamá Hodáay némagá ke man áiayg án o áiay hezmatkár án, préshtagé átk, mani kashá óshtát o

Kásedáni Kár 3:26

Hodáyá wati hezmatkár gechén kort o pésará shomay gwará rawán dát tán shomárá barkat bedant o har yakkéá cha áiay haráb o gandagén ráhá per betarrénit.”

Pulosay kágad pa Rumián 9:1

Man cha Masihay arwáh o jabiná rásta gwashán o dróga nabandán, mani del o darun cha Pákén Ruhá é habaray sháhediá dant ke

Pa Galátián Pulosay kágad 1:20

Bechárét, harché ke pa shomá nebeshtah kanagá án, Hodá sháhed ent ke dróg naant.

Pa Pilipián Pulosay kágad 1:3

Man har wahdá ke shomárá yáta kanán, wati Hodáay shográ gerán.

Pa Pilipián Pulosay kágad 1:4

Wati har dwáay tahá, modám gón shádmániá pa shomá sajjahénán dwá kanán,

Pa Pilipián Pulosay kágad 2:22

Bale shomá wata zánét ke Timutáusá láheki pésh dáshtag. Á pa wasshén mestágay sheng kanagá gón man anchosh hamkópag butag ke chokké gón petá.

Pa Pilipián Pulosay kágad 3:3

Chéá ke sonnat butagén má én. É má én ke Hodáyá cha áiay Pákén Ruhay barkatá parastesha kanén. Pa má pahr o sháné ke gón Issá Masihá hawár én o márá cha wati jesmá, bezán cha donyái chizzán omété nést,

Pa Tesálunikián Pulosay awali kágad 1:2

Má har wahdá wati dwáyáni tahá shomay námá gerén o modám pa shomá sajjahénán Hodáay shográ gerén.

Pa Tesálunikián Pulosay awali kágad 3:10

Má shap o róch cha delay johlánkiá dwá kanén ke shomárá padá begendén o har chizzé ke shomay imánay tahá kamm ent, áiá sarjam bekanén.

Pa Tesálunikián Pulosay awali kágad 5:17

Har wahdá dwá bekanét.

Pa Timutáusá Pulosay awali kágad 2:7

Man pa é maksadá gechén kanag butagán ke jár janók o kásedé bebán o darkawmán imán o rástiay tálimá bedayán. Man rást gwashagá án, dróg nabandagá án.

Pa Timutáusá Pulosay domi kágad 1:3

Man shap o róch ke wati dwáyáni tahá modám tará yáta kanán, Hodáay shográ gerán, hamá Hodá ke man gón pákén zamiréá áiay parastesh o hezmatá kanán, anchó ke mani pet o pirokán kortag.

Pa Pilimuná Pulosay kágad 1:4

Man har wahdá ke wati dwáyáni tahá tará yáta kanán, modám wati Hodáay shográ gerán,