Pulosay kágad pa Rumián 1:26 - Hodáay Pákén Ketáb Balochi zobáná

²⁶ Paméshká Hodáyá ham á, áyáni sharmnákén hawá o hawasáni tahá yalah kortant. Áyáni janénán wati wapt o wábay aslén ráh yalah dát o náráhén keshká shotant.

Pulosay kágad pa Rumián 1:26 ပူးပေါင်းရင်းမြစ်များ

Pédáesh 19:5

Áyán Lut gwánk jat o gwasht: “Hamé bachakk ke enshapi tai lógá átkagant, kojá ant? May kerrá byáresh ke má gón áyán wapt o wába kanén.”

Zabur 81:12

Gorhá man á yalah dátant ke wati sengén deláni randgiriá bekanant, wati jenday ráh o hayáláni.

Pulosay kágad pa Rumián 1:24

Paméshká Hodáyá á, áyáni delay sell o badén wáhagáni tahá yalah kortant tán gón nápákiá wati jesmán watmánwatá sobakk o béarzesh bekanant.

Pulosay kágad pa Rumián 1:28

Áyán Hodápajjári porarzesh o allamén káré nazánt o Hodáyá ham á, bénangén pegr o hayáláni tahá yalah kortant tán náráhén káráni tahá bekapant.

Pa Tesálunikián Pulosay awali kágad 4:5

Darkawmáni dhawlá mabét ke Hodáyá nazánant o hawá o hawasáni golám ant.

Pa Timutáusá Pulosay awali kágad 1:10

pa syahkárán, pa lawátkárán, pa golámáni tájerán, pa drógband o drógén sawgend warókán o pa é dega hamá mardomán jórh kanag butag ke rástén tálimay heláp ant,

Yahudáay Kágad 1:10

Bale é, hamá chizzáni sobakki o béhormatiá kanant ke áyáni bárawá heccha nazánant. É mardom násarpad o bézobánén jánwaráni paymá, wati sareshtay randá kapant o é paymá gár o bégwáha bant.

Yahudáay Kágad 1:7

Hamé paymá, Sodum o Gomurah o kerr o gwaray shahráni mardom, ke hamáyáni dhawlá bénangiesh kort o nárahbandén wáhagáni randá kaptant, abadi ásá dawr dayag butant tán pa degarán dars o ebrat bebant.