Petrosay Domi Kágad 2:9 - Hodáay Pákén Ketáb Balochi zobáná

⁹ Gorhá hamé paymá Hodáwanda zánt ke wati pahrézkárén mardomán chón cha chakkásán berakkénit o badkárán sezá bedant tán hamá wahdá ke dádrasiay róch berasit.

Petrosay Domi Kágad 2:9 ပူးပေါင်းရင်းမြစ်များ

Zabur 12:1

Oo Hodáwand! Berakkén, chiá ke hech Hodádósté pasht nakaptag o wapádár cha mardománi nyámá gár o bégwáh butagant.

Zabur 32:6

Paméshká, tán wahd o móh ent, har Hodádóst tai gwará dwá bekant, wahdé hárén áp chesta bant, hech paymá pa áiá sar buta nakanant.

Zabur 37:33

Bale Hodáwand áiá badkáray zóray tahá naperrénit o wahdé hakdiwáná baraga bit, pa mayárbáriá nayliti.

Zabur 4:3

Bezánét ke Hodáwandá Hodádóst pa wat zortag o jetá kortagant. Wahdé Hodáwandá tawára kanán, á eshkont.

Mattá 10:15

Shomárá rásténa gwashán, jost o porsay róchá, Sodum o Gomurahay mardománi sezá cha á shahray mardománi sezá o azábá ásánter o kamtera bit.

Mattá 6:13

Márá ázmáesh o chakkásá dawr maday o cha Shaytáná berakkén.’

Pulosay kágad pa Rumián 2:5

Bale taw gón wati nápashómán o sengén delá, pa kahr o gazabay róchá pa wat kahr o gazab ambára kanay, hamá róchá ke Hodáay ádelén dádrasi záhera bit.

Pa Timutáusá Pulosay domi kágad 3:12

Harkas ke Issá Masihay ráhá Hodái zendé gwázénaga lóthit, ázár dayaga bit o

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Petrosay Domi Kágad 2:4

Hodá tantaná cha hamá préshtagán sar nagwast ke gonáhesh kort. Dózahay tahárterén tahárókiá band o zamzili kortant tán dádrasiay róch berasit.

Petrosay Domi Kágad 3:7

Cha hamá hokm o habará ham sajjahén ásmán o é zemin, pa ásá gechén kanag butag o tán dádrasiay róch o nábáwarén mardománi tabáhi o zawál bayagá dárag butagant.

Yahudáay Kágad 1:6

Áiá hamá préshtag ham tán dádrasiay mazanén róchá tahárókiá gón abadmánén zamzilán bastagant ke wati ehtiáray borz o bolandén kadresh nazánt o wati jágahesh yalah dát.

Elhám 3:10

Taw mani hokm mannetag o sabr o ópár kortag, paméshká man ham tará cha dádrasiay sáhatá rakkénán ke pa zeminay sará neshtagénáni chakkásagá sajjahén donyáyá áyagi ent.