Petrosay Domi Kágad 1:3 - Hodáay Pákén Ketáb Balochi zobáná

³ Áiá gón wati Hodái wák o kodratá, márá har zalurién chizz pa anchén zendéá dátag ke Hodáyá pasond ent. É chizz márá cha hamáiay pajjáh áragá rasetag ke gón wati néki o shán o shawkatá márá gwánki jatag.

Petrosay Domi Kágad 1:3 ပူးပေါင်းရင်းမြစ်များ

Zabur 110:3

Á róchá ke taw wati lashkará moccha kanay, tai mardom pa shawké góna bant. Gón pákiay shán o zébáiá tai warná tai gwará káyant, chó ke nód cha bámgwáhay bátená.

Zabur 84:11

ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.

Mattá 28:18

Issáyá gón áyán gwasht: “Ásmán o zeminay sajjahén zór o wák mani dastá dayag butag.

Pulosay kágad pa Rumián 8:32

Á ke wati Chokkay parwáhi nakort o pa maygi cha áiá sar gwast, gón áiá hawár, á dega sajjahén chizzán ham márá nadant?

Pulosay kágad pa Rumián 9:24

Má ham ke Hodáay gwánk jatagén én é rahmatay chérá én, tahná cha Yahudiáni nyámá gwánk jang nabutagén, cha darkawmáni nyámá ham gwánk jang butagén.

Pa Pilipián Pulosay kágad 3:8

Tahná é chizz na, wati Hodáwandén Issá Masihay pajjáh áragay ganjay démá, man har chizzá táwáné sarpada bán, chéá ke man pa hamáiaygi é sajjahén yalah dátant. Man eshán bass gand o gasarh sarpada bán ke mani katth tahná Masih bebit o

Pa Pilipián Pulosay kágad 4:8

Brátán! Nun godhsará mana gwashán ke harché ke rást ent, harché ke sharapdár ent, harché ke sharr ent, harché ke pák ent, harché ke dóstnák ent, harché ke satá karzit, harché ke nék ent o tawsip kanaga bit, hamá chizzáni bárawá pegr bekanét.

Pa Tesálunikián Pulosay awali kágad 2:12

Má shomárá delbaddhi o deljami dát o dazbandi kort ke anchén zendé begwázénét ke Hodáay láhek bebit, hamá Hodá ke shomárá tawára kant ke dém pa mani bádsháhi o shán o shawkatá byáét.

Pa Tesálunikián Pulosay awali kágad 4:7

Hodáyá márá pa nápákiá gwánk najatag, pa páki o palgáriá gwánki jatag.

Pa Tesálunikián Pulosay domi kágad 2:14

Pa é kárá, Hodáyá shomárá may wasshén mestágay barkatá tawár kortag ke shomá may Hodáwandén Issá Masihay shán o shawkatá bahramand bebét.

Pa Timutáusá Pulosay awali kágad 4:8

Chéá ke jesmi tamrin bépáedag naent, bale Hodátorsiay páedag har hesábá báz ent ke pa annugén zendá ham Hodáay kawl o karári gón ant o pa áyókén zendá ham.

Pa Timutáusá Pulosay domi kágad 1:9

Hodáyá márá neját dátag o pa pákén zendéá gwánk jatag. Márá may kortagén káráni sawabá gwánki najatag, wati jenday erádah o rahmatay bonyádá gwánki jatag o é rahmat márá Issá Masihay barkatá, cha azalá dayag butag o

Petrosay Awal Kágad 1:15

Hamá dhawlá ke shomay gwánk janók pák ent, har káray tahá shomá ham pák bebét.

Petrosay Awal Kágad 1:5

Shomá Hodáay sará báwar kortag o Hodá ham gón wati zór o wáká pa hamá nejátá shomay negahpániá kant ke cha annuná tayár ent o áheri zamánagá paddara bit.

Petrosay Awal Kágad 2:21

Shomá pa hamé sakkiáni saggagá gechén kanag butagét, parchá ke Masihá ham pa shomaygi sakki sagget o nemunah o mesálé but ke shomá áiay randgiriá bekanét.

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.

Petrosay Awal Kágad 3:9

Gón hechkasá badiay badalá badi makanét. Agan kaséá shomárá záh o zakat kort, áiá záh o zakat makanét, eshiay badalá pa áiá nékén dwá belóthét ke pa hamé kárá gwánk janag butagét o cha hameshiá shomárá barkata rasit.

Petrosay Awal Kágad 5:10

Nun Hodá, ke sajjahén rahmatáni málek ent o shomárá cha Masihay ráhá dém pa hamá abadmánén shawkatá gwánki jatag, shomay kammén sakki o sóriay saggagá rand, shomárá nóksará twána dant, mohr o mohkama kant o páydári o zóra bakshit.

Petrosay Domi Kágad 1:10

Oo mani brátán! Paméshká wati sajjahén johdá bekanét ke é gwánk janag o gechén bayagay tahá mohr bóshtét, chéá ke agan chosh bekanét, hechbar thagala nawarét.

Petrosay Domi Kágad 1:2

Shomá ke Hodá o may Hodáwand Issáyá pajjáha kárét, cha áiay zánagá shomay sará rahmat o sohl o ásudagi gésh o géshter bát.

Petrosay Domi Kágad 1:5

Paméshká wati wasá johd bekanét ke gón sharkerdiá wati báwará mohr o mohkam bekanét o hamé paymá: gón zántá wati sharkerdiá,

Petrosay Domi Kágad 1:6

gón shehm o rahdáriá wati zántá, gón sabr o ópárá wati shehm o rahdáriá, gón Hodádóstiá wati sabr o ópárá,

Petrosay Domi Kágad 1:8

Parchá ke agan shomay nyámá hamé chizz bebant o berodant, gorhá cha may Hodáwand Issá Masihay zánag o pajjáh áragá béasar o bésamara nabét.

Petrosay Domi Kágad 2:20

Hamá mardom ke gón may Hodáwand o rakkénók Issá Masihay zánag o pajjáragá cha é donyáay selkáriána rakkant, agan padá hamá selkáriáni tóká bekapant, randi hálesh cha pésarigéná ham gantera bit.

Petrosay Domi Kágad 3:18

Gón may Hodáwand o rakkénók Issá Masihay rahmat o zántá, rost o rodóm gerán bebét. Shán o shawkat annun tán abad, hamáiayg ent. Anchosh bát. Ámin.