Petrosay Awal Kágad 5:3 - Hodáay Pákén Ketáb Balochi zobáná

³ É ramagay sará wájahi makanét ke shomay dastá dayag butag, pa eshiá sharrén mesálé bebét.

Petrosay Awal Kágad 5:3 ပူးပေါင်းရင်းမြစ်များ

Zabur 33:12

Bahtáwar hamá kawm ent ke Hodáwand áiay Hodá ent, hamá mardom ke áiá pa wati mirásá gechén kortagant.

Zabur 74:2

Wati kawmay yátá bekap, ke taw cha dérén zamánagán pa bahá zortagatant, ke taw móketagant tán tai kawm o mirás bebant. Sahyunay kóhay hayálá bekap ke ódá jahmenend butagay.

Yuhanná 13:15

Man pa shomá mesálé ér kort tánke hamá dhawlá ke man gón shomá kort, shomá ham hamá dhawlá bekanét.

Kásedáni Kár 20:28

Shomá wati jend o wati ramagay sajjahén báwarmandáni hayáldáriá bekanét ke Pákén Ruhá shomárá áyáni negahpán kortag. Hodáay kelisáay shepánki o negahpániá bekanét, hamá kelisá ke Hodáwandén Issáyá gón wati hóná pa bahá geptag.

Pa Pilipián Pulosay kágad 3:17

Brátán! Pa hamdeli mani warhá zend begwázénét o anchó ke may randgiriá kanét, hamá mardománi ráhá ham berawét ke may ráhá rawant,

Pa Pilipián Pulosay kágad 4:9

Harché ke shomá cha man dar bortag o shomárá rasetag, harché ke shomá cha man eshkotag o distag, hamá warh bekanét. É dhawlá émeni bakshókén Hodá shomay hamráha bit.

Pa Tesálunikián Pulosay awali kágad 1:7

É káray sawabá shomá pa Makduniah o Akáyahay sajjahén báwarmandán mesálé jórh butét.

Pa Tesálunikián Pulosay domi kágad 3:9

Má é sawabá kár nakortag ke hecch paymén komakkay hakdár nabutagén, má é sawabá kár kortag ke pa shomá mesálé bebén o shomá may randgiriá bekanét.

Pa Timutáusá Pulosay awali kágad 4:12

Tai kasánomriay sawabá kass tará kamarzesh sarpad mabit o tai goptár o kerdár o mehr o imán o páki pa báwarmandán mesálé bebant.

Pa Titusá Pulosay kágad 2:7

Taw har sharrén kárá pa áyán mesálé bebay. Tálim dayagá tachk o rást o grán o sangin bebay o

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.