Petrosay Awal Kágad 1:3 - Hodáay Pákén Ketáb Balochi zobáná

³ May Hodáwandén Issá Masihay Hodáén Petá satá o saná bát. Cha wati sarréchén rahmatá o gón Issá Masihay cha mordagán zendag bayagá, Hodáyá márá nóksará pédá kort tán márá zendagén omété berasit.

Petrosay Awal Kágad 1:3 ပူးပေါင်းရင်းမြစ်များ

Zabur 41:13

Hodáwandá satá bát, Esráilay Hodáyá, cha azal tán abad. Anchosh bát. Ámin.

Zabur 86:15

Bale taw, oo Hodáwand, rahm kanók o mehrabánén Hodáé ay, hezhm geragá déra kanay o mehr o wapáyá sarréch ay.

Zabur 86:5

Taw, oo Hodáwand, nék o bakshendah ay o pa áyán cha mehrá sarréch ay ke gón taw peryáta kanant.

Dargwaz 34:6

Hodáwand jár janáná Mussáay démá gwast: “Hodáwand án, Hodáwand, rahmán o mehrabánén Hodá man án. Gazabay áragá déra kanán o cha mehr o wapáyá porr án.

Yuhanná 1:13

Á, na cha hóná pédá butant o na cha jesmi wáhag o ensáni lóthán, á cha Hodáyá pédá butant.

Pulosay kágad pa Rumián 12:12

Pa ométwári gal o shádehi bekanét, sakkiáni tahá sabr o ópár pésh bedárét o wati dwáyán mohr bóshtét.

Pulosay kágad pa Rumián 15:13

Ométay Hodá ke shomá áiay sará báwar kortag, shomay delá cha shádehi o sohl o árámiá porr kanát, tán gón Pákén Ruhay wák o zórá cha ométá sarréch bebét.

Pulosay kágad pa Rumián 4:25

Issá pa may gonáhán, markay dastá dayag but o pa may pák o palgár kanagá, cha mordagán jáh janáénag but.

Pulosay kágad pa Rumián 5:10

Agan á wahdá ke angat Hodáay dozhmen atén, cha áiay Chokkay markay ráhá gón áiá pa sohl o wasshániá rasénag butén, gorhá nun ke pa sohl o wasshániá rasetagén, sakk deljamter én ke áiay zenday sawabá rakkénaga bén.

Pulosay kágad pa Rumián 8:11

Agan hamáiay Ruh shomay delá ent ke Issá Masihi cha marká rand jáh janáént, gorhá á ke Masihi cha mordagán jáh janáént, shomay zawál bayókén jesm o jáná ham cha wati hamá Ruhá zenda bakshit ke shomay delá neshtag.

Pulosay kágad pa Rumián 8:24

Má gón hamé ométá rakkénag butagén, bale omété ke sarjam butag, nun omét gwashaga nabit. Chón buta kant mardom hamá chizzay ométá bebit ke hastenti?

Pa Galátián Pulosay kágad 6:16

Émeni o rahm pa hamáyán ke é rahbanday sará zenda gwázénant, bezán pa Hodáay mahluká.

Pa Tesálunikián Pulosay awali kágad 1:3

Má wati Hodáén Petay démá modám shomay báwarmandi kárán o pormehrén zahmatán o sagg o bardáshtá yáta kanén ke áyáni sarchammag hamá omét ent ke shomárá may Hodáwandén Issá Masihay sará hastent.

Pa Tesálunikián Pulosay awali kágad 4:13

Brátán! Má lóthén ke shomá markay wábá waptagénáni bárawá sarpad bebét o á mardománi dhawlá porsig mabét ke hecch ométesh nést.

Pa Tesálunikián Pulosay domi kágad 2:16

May Hodáwandén Issá Masihay jend o may Hodáén Pet ke márá dósta dárit o wati rahmatay barkatá márá abadi delbaddhi o sharrén ométi dátag,

Pa Timutáusá Pulosay awali kágad 1:14

Haw, may Hodáwanday rahmatán mani sará békesás gwart. Maná cha hamá imán o mehrá sarréchi kort ke cha Issá Masihay némagá rasant.

Ákub 1:18

Áiay wáhag hamé butag ke márá cha rástiay habaray wasilahá pédá bekant, tánke áiay jórh kortagénáni awali bar o samar bebén.

Petrosay Awal Kágad 1:13

Wati lánká bebandét o hozzhár bebét. Zendá pa shehm o rahdári begwázénét. Wati ométá pa Hodáay hamá rahmatán bebandét ke Issá Masih wati záher bayagay wahdá pa shomá rasénitesh.

Petrosay Awal Kágad 1:21

Cha áiay wasilahá, shomárá Hodáay sará báwar hast, hamá Hodáay sará ke Masihi cha mordagán zendag kort o shán o shawkati dát. Paméshká, shomá Hodáay sará báwara kanét o cha hamáiá ométwár ét.

Petrosay Awal Kágad 1:23

Chéá ke shomárá nókén zend cha zawál bayókén tohmá narasetag, cha zawál nabayókén tohmá rasetag, bezán cha Hodáay zendag o abadmánén gál o habará.

Petrosay Awal Kágad 2:2

Nun ke shomá Hodáwanday néki o mehrabániay tám chashetag, nók pédá butagén nonnokáni paymá pa pák o ruhánién shirá shodig bebét tánke cha hameshiá dém pa wati rakkagá rodán bebét.

Petrosay Awal Kágad 3:15

Bass, wati delá Masihá Hodáwand bemannét o hamáiá sharap bedayét. Agan kasé shomay ométay sawabay jostá bekant, modám pa passaw dayagá tayár bebét.

Petrosay Awal Kágad 3:21

Hamé áp shomay pákshódiay mesál o nemunah ent ke annun shomárá rakkénit. Pákshódi jesm o jánay zaheri chellán páka nakant, é pa pákén wejdán o jabiná gón Hodáyá shomay dazbandi ent ke cha Issá Masihay jáh janagay wasilahá shomárá rasit,

Petrosay Awal Kágad 3:5

Kwahnén wahd o zamánagá anchosh butag o pák o nékén janén ke ométesh pa Hodá butag, watá gón wati mardáni parmánbardáriá singáretagesh,

Yuhannáay Awali Kágad 2:29

Agan zánét ke á rást o pák ent, gorhá zánét harkas ke rástiay ráhá rawt cha hamáiá pédá butag.

Yuhannáay Awali Kágad 3:3

Harkasá cha áiá choshén omété hast watá páka kant, anchosh ke á wat pák ent.

Yuhannáay Awali Kágad 3:9

Á ke cha Hodáyá pédá butag gonáha nakant, parchá ke Hodáay zát áiá mán ent. Gorhá á gonáh korta nakant, chéá ke cha Hodáyá pédá butag.

Yuhannáay Awali Kágad 4:7

Oo dordánagán! Gón yakdomiá mehr bekanén, chéá ke mehr cha Hodáyá ent o harkas ke mehra kant, cha Hodáyá pédá butag o Hodáyá zánt.

Yuhannáay Awali Kágad 5:1

Harkasá é báwarmandi bebit ke Issá hamá Masih ent, á cha Hodáyá pédá butag. Harkasá ke Pet dóst ent, Chokká ham dósta dárit.

Yuhannáay Awali Kágad 5:18

Má zánén harkas ke cha Hodáyá pédá butag, gonáha nakant, hamá ke cha Hodáyá pédá butag Hodá wat áiay negahpániá kant o Shaytánay dast pa áiá narasit.

Yuhannáay Awali Kágad 5:4

Chéá ke harché cha Hodáyá pédá butag, donyáay sará báládast o sóbéna bit o may báwar o imán hamé báládasti ent ke donyáyá érdasta kant.