Pédáesh 15:1 - Hodáay Pákén Ketáb Balochi zobáná

¹ Cha é chizzán o rand, Hodáwanday habar elhám o shobénéay tahá pa Ebrámá átk: “Oo Ebrám! Mators, man tai espar án. Tai enám sakk mazan ent.”

Pédáesh 15:1 ပူးပေါင်းရင်းမြစ်များ

Pédáesh 15:2

Bale Ebrámá gwasht: “Oo Hodáwandén Hodá! Taw maná ché dayay? Maná wa chokk nést o mani lógay wáres Dameshki Elizar ent.”

Pédáesh 15:4

Bale Hodáwanday habar Ebrámá sar but ke é hezmatkár tai wáresa nabit, tai jendá mardénchokké bit o hamá tai wáresa bit.

Pédáesh 21:17

Hodáyá chokkay tawár eshkot o Hodáay préshtagá cha ásmáná Hájer gwánk jat o gwasht: “Hájer! Tará ché butag? Mators. Chokk hamá jágahá ke ér ent, Hodáyá áiay tawár cha hamódá eshkotag.

Pédáesh 22:1

É chizzán o rand, Hodáyá Ebráhém chakkáset. Gón Ebráhémá gwashti: “Ebráhém!” Ebráhémá passaw dát: “Ji!”

Pédáesh 22:20

Chizzé wahdá rand Ebráhémesh sahig kort ke Melkahá ham chokk áwortag, pa tai brát Náhórá chokki pédá kortag.

Pédáesh 26:24

Hamá shapá Hodáwand áiay démá záher but o gwashti: “Man tai pet Ebráhémay Hodá án. Mators, chéá ke man gón taw gón án. Man wati hezmatkár Ebráhémay sawabá tará barkata dayán o tai nasl o padréchá géshá gésha kanán.”

Pédáesh 31:7

bale angat shomay petá maná rad dátag o mani mozzi dah randá badal kortag, bale Hodáyá shomay pet naesht ke maná táwán bedant.

Zabur 115:10

Oo Hárunay lóg! Hodáwanday sará tawkal kan, hamá shomay komakk o espar ent.

Zabur 119:114

Taw mani panáh o espar ay, man wati óst o omét gón tai habará bastag.

Zabur 142:5

Oo Hodáwand! Tai bárgáhá peryáta kanán o gwashán: “taw mani panáhjáh ay o zendagénáni zeminá mani bahr.”

Zabur 18:2

Hodáwand mani talár ent, mani kalát o mani rakkénók ent, mani Hodá mani talár ent o hamáiay poshtá báhóth o mayára bán. Á mani espar ent, mani zórákén rakkénók o mani sangar.

Zabur 27:1

Hodáwand mani rozhn o rakkénók ent, cha kayá betorsán? Hodáwand mani zenday kalát ent, cha kayá bimmé bebit?

Zabur 3:3

Bale taw oo Hodáwand! Wat mani chágerdá espar ay, Mani shán o shawkat ay, maná sarperáza kanay.

Zabur 3:4

Hodáwandon gón borzén tawáré peryáta kort o áiá cha wati pák o gechénién kóhá maná passaw dát. Ósht...

Zabur 5:12

Allamá, taw, oo Hodáwand, pahrézkárán barkata dayay o áyán gón wati mehr o rahmatá esparay paymá negahpána bay!

Zabur 58:11

Mardoma gwashant: “Albat ke pa pahrézkárá mozzé hast, Hodáé hast ke zeminay sará dádrasia kant.”

Zabur 84:11

ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.

Zabur 84:9

May bádsháhá delgósh kan, oo Hodá! Wati rógen per moshtagéná delgósh kan.

Zabur 91:4

Á tará gón wati poth o bálán póshénit o áiay bánzoláni chérá panáha bay, áiay wapádári espar o diwálé.

Dargwaz 14:13

Mussáyá gón mardomán gwasht: “Matorsét. Delá dhaddh kanét o bechárét ke maróchi Hodáwand shomárá chón nejáta dant, chéá ke é Mesrián ke shomá maróchi gendagá ét, padá eshán hechbara nagendét.

Mattá 28:5

Préshtagá gón janénán gwasht: “Matorsét! Mana zánán shomá Issáay shóházá ét ke salib kasshag butag.

Mattá 8:26

Gón áyán gwashti: “Oo kambáwarán! Shomárá chéá torsit?” Randá pád átk, gwát o gwarmi hakkal dátant o tuppán pahk érmósh but.

Luká 1:13

Bale préshtagá gón áiá gwasht: “Oo Zakaryá! Mators. Tai dwá mannag but, tai jan Elizábet mardénchokkéay sará chellaga bit o báyad ent taw áiay námá Yahyá bekanay.

Luká 1:30

Préshtagá gwasht: “Oo Maryam! Mators, chéá ke Hodáay mehr o rahmat tai hamráh ent.

Luká 12:32

Oo mani kasánokén romb o thóli! Matorsét chéá ke shomay ásmáni Petay razá o wáhag hamesh ent ke bádsháhiá shomárá bedant.

Kásedáni Kár 10:22

Áyán passaw dát: “Má pawji apsar Korniliusay kásed én. Á pahrézkár o Hodátorsén mardomé o sajjahén Yahudi áiay washnámi o bóhériay mannóger ant. Hodáay yakk pákén préshtagéá gón áiá gwashtag ke pa tai habaráni gósh dáragá tará wati lógá belóthit.”

Elhám 1:17

Man ke dist, purah mordagé bután o áiay pádáni démá kaptán. Wati rástén dasti mani sará ér kort o gwashti: “Mators, man awali o áheri án.