Pédáesh 13:4 - Hodáay Pákén Ketáb Balochi zobáná

⁴ hamá jágahá ke pésará korbánjáhé addhi kortagat. Ódá Ebrámá Hodáwanday nám tawár kort.

Pédáesh 13:4 ပူးပေါင်းရင်းမြစ်များ

Pédáesh 13:18

Gorhá Ebrámá wati gedán chest kortant o Hebruná shot o Mamrehay mazanén drachkáni nazzikká jahmenend but. Ódá pa Hodáwandá korbánjáhé addhi kort.

Pédáesh 26:25

Esáká ódá korbánjáhé addh kort o Hodáwanday námi tawár kort. Wati gedáni hamódá mekk kort o áiay hezmatkárán hamódá cháté jat.

Pédáesh 4:26

Saytá ham mardénchokké but o áiay námi Énósh kort. Hamé wahdá mardomán Hodáwanday námay tawár kanag bendát kort.

Zabur 107:1

Hodáwanday shográ begerét ke nék ent o mehri abadmán.

Zabur 107:15

Hodáwanday shográ begerátant, áiay mehr o pa baniádamá áiay bákamálén káráni sawabá

Zabur 107:8

Hodáwanday shográ begerátant, áiay mehr o pa baniádamá áiay bákamálén káráni sawabá.

Zabur 116:17

Shogrgozáriay korbánigé tará pésha kanán o Hodáwanday námá gerán.

Zabur 116:2

wati delgóshi mani némagá tarrént. Tán zendag án, gwánkia janán.

Zabur 145:18

Harkas ke Hodáwandá tawára kant, Hodáwand áiay nazzikká ent, harkas ke pa del o setk áiá tawára kant.

Zabur 26:8

Oo Hodáwand! Maná tai lóg sakk dóst ent, tai shán o shawkatay jágah.

Zabur 84:10

Tai bárgáhay yak róché gehter ent cha dega jágahéay hazárán róchá, cha badkáráni tambuáni tahá árámén zendéay gwázenagá maná wati Hodáay dargáhay dapá óshtag dóstera bit,