Pa Titusá Pulosay kágad 3:5 - Hodáay Pákén Ketáb Balochi zobáná

⁵ Hodáyá márá rakként. Márá may nékén káráni sawabá narakkénti, wati rahmay sawabá rakkénti. Áiá márá shosht o Pákén Ruhay barkatá nókén zendé dát o é paymá márá rakkénti.

Pa Titusá Pulosay kágad 3:5 ပူးပေါင်းရင်းမြစ်များ

Pa Timutáusá Pulosay domi kágad 1:9

Hodáyá márá neját dátag o pa pákén zendéá gwánk jatag. Márá may kortagén káráni sawabá gwánki najatag, wati jenday erádah o rahmatay bonyádá gwánki jatag o é rahmat márá Issá Masihay barkatá, cha azalá dayag butag o

Petrosay Awal Kágad 3:21

Hamé áp shomay pákshódiay mesál o nemunah ent ke annun shomárá rakkénit. Pákshódi jesm o jánay zaheri chellán páka nakant, é pa pákén wejdán o jabiná gón Hodáyá shomay dazbandi ent ke cha Issá Masihay jáh janagay wasilahá shomárá rasit,

Petrosay Awal Kágad 1:3

May Hodáwandén Issá Masihay Hodáén Petá satá o saná bát. Cha wati sarréchén rahmatá o gón Issá Masihay cha mordagán zendag bayagá, Hodáyá márá nóksará pédá kort tán márá zendagén omété berasit.

Pulosay kágad pa Rumián 12:2

Gón é donyáyá hamrang o hamdróshom mabét, cha wati pegr o pahmay nók kanagay ráhá badal bebét, tán shomá bezánét o gisshént bekanét ke Hodáay wáhag ché ent, kojám chizz sharr, kámel o Hodáyá pasond ent.

Zabur 51:10

Oo Hodá! Mani daruná pákén delé bejórhén o mani del o jabiná padá mohrén ruhé byár.

Pulosay kágad pa Rumián 11:6

Agan gechén cha rahmatay ráhá ent, gorhá cha ed o rand cha kár o kerdá naent, agan cha kár o kerdá butén, gorhá cha ed o rand rahmat, rahmat nabutagat.

Zabur 86:15

Bale taw, oo Hodáwand, rahm kanók o mehrabánén Hodáé ay, hezhm geragá déra kanay o mehr o wapáyá sarréch ay.

Pa Galátián Pulosay kágad 2:16

bale angat má zánén ke mardom Sharyatay randgiriay sawabá pák o palgára nabit, Issá Masihay sará báwar kanagay sawabá pák o palgára bit. Má Issá Masihay sará báwar kortag tánke Masihay sará báwaray sawabá pák o palgár bebén, Sharyatay randgiriay sawabá na, chéá ke Sharyatay randgiriay sawabá kass pák o palgára nabit.

Pulosay kágad pa Rumián 3:20

Parchá ke hechkas cha Sharyatay kár bandagá Hodáay démá pahrézkár zánaga nabit, chéá ke Sharyat mardomá sarpada kant ke gonáh chéé.

Petrosay Awal Kágad 2:10

Pésará shomá kawmé naatét bale annun Hodáay kawm ét. Pésará shomárá Hodáay rahmat narasetagat bale annun áiay rahmat shomárá gón ent.

Pulosay kágad pa Rumián 3:28

Chéá ke may báwar esh ent ke ensán cha báwarmandiá pák o palgár zánaga bit, cha Sharyatay káráni kanagá na.

Pulosay kágad pa Rumián 9:11

Bale cha eshiá pésar ke chokk pédá bebant o néki yá badi bekanant, Rebekkáyá gwashag but ke “masterén kasterénay hezmatá kant.” É dhawlá but tán Hodáay erádah cha gechénkáriá barjáh dárag bebit, bale cha kár o kerday ráhá na, cha hamáiay ráhá ke ensáná gwánka jant.

Luká 1:78

Chéá ke may Hodá mehrabán ent o cha áiay békesásén rahmatán róch cha borzén arshá, may zendmáná sara kasshit,

Luká 1:54

Á wati mehr o rahmatáni yátá kaptag o pa wati hezmatkárén Bani Esráili kawmá mehrabán butag,

Luká 1:50

Áiay mehr o rahmat, hamá sajjahénáni posht dar poshtá mánit ke áiay torsesh delá hastent.

Zabur 143:2

Wati hezmatkárá mayárig makan ke tai bárgáhá kass bémayár naent.

Zabur 130:7

Oo Esráil! Ométá pa Hodáwandá bedár, ke mehr gón Hodáyá ent o kámelén rakkénag hamáiay dastá ent.

Pa Titusá Pulosay kágad 3:4

Bale may rakkénókén Hodáay mehrabáni o mehr ke záher but,

Pulosay kágad pa Rumián 9:30

Nun ché begwashén? Hamá darkawm ke pa páki o palgáriá johdesh nakort, páki o palgári‌esh raset, hamá páki o palgári ke cha báwará kayt.

Pulosay kágad pa Rumián 9:16

Bezán, é ensánay wáhag o was kanagay sará nabit, rahm kanag Hodáay dastá ent.

Pulosay kágad pa Rumián 4:5

Bale á ke nékén káráni sará tawkala nakant, hamá Hodáay sará tawkala kant ke radkár o béhodáyán pák o palgára kant, áiay báwar pa áiá páki o palgári hesába bit.

Luká 1:72

may pet o pirokáni sará mehr o rahmati kortag o wati pákén hamá ahd o karáray yát o tránagi dáshtag.

Zabur 86:5

Taw, oo Hodáwand, nék o bakshendah ay o pa áyán cha mehrá sarréch ay ke gón taw peryáta kanant.

Zabur 62:12

mehr o rahm ham taig ent, oo Hodáwand! Taw harkasá áiay kortagén káráni hesábá, mozza dayay.

Mattá 3:11

Man pa shomay gonáháni pashómániá, shomárá gón ápá pákshódia dayán, bale hamá ke cha man o rand áyagi ent, cha man zórmandter ent o man áiay kawsháni dast geragay láhek ham naán. Á shomárá gón Pákén Ruh o ásá pákshódia dant.

Pulosay kágad pa Rumián 11:14

pa é ométá ke wati jenday mardomán hasaddig bekanán o é paymá cha áyán lahténá berakkénán.