Pa Titusá Pulosay kágad 3:3 - Hodáay Pákén Ketáb Balochi zobáná

³ Yakk wahdé má ham béagl o náparmán o gomráh butagén o har paymén badén wáhag o hawá o hawasáni golám butagén. Má wati zend badkári o hasadday tahá gwázéntag. Napratay hakdár butagén o má gón yakdomiá naprat kortag.

Pa Titusá Pulosay kágad 3:3 ပူးပေါင်းရင်းမြစ်များ

Pédáesh 38:9

bale Ónáná zánt ke é mani jenday padrécha nabit, paméshká wahdé gón wati brátay janá yakjáha but, wati marzii dhanná rétkant ke pa brátá padréché pédá makant.

Pédáesh 39:16

Putipáray janá Issopay kabáh tán hamá wahdá wati kerrá ér kort ke Issopay wájah lógá átk,

Zabur 36:2

Chiá ke á wati jenday delá haminchok wati tawsipá kant, ke wati gonáhá nazánt o cha áiá naprat korta nakant.

Mattá 21:29

Áiá passaw dát: ‘Mana narawán,’ bale randá pashómán but o shot.

Luká 21:8

Issáyá gwasht: “Hozzhár bét, kasé shomárá gomráh makant. Chéá ke bázéné pa mani námá kayt o gwashit: ‘Man hamá án’ o ‘Wahd átkag o nazzikk ent,’ bale shomá áyáni habará gón makapét.

Yuhanná 8:34

Issáyá gwasht: “Shomárá rásténa gwashán, harkas ke gonáha kant, gonáhay golám ent o

Pulosay kágad pa Rumián 11:30

Hamá paymá ke yakk wahdé shomá Hodáay náparmán atét bale cha Esráiliáni náparmániá, Hodáay mehr o rahmat shomárá raset,

Pulosay kágad pa Rumián 6:12

Paméshká maylét gonáh shomay zawál bayókén jesm o jáná hákemi bekant ke áiay sellén wáhagán purah bekanét.

Pulosay kágad pa Rumián 6:17

Bale Hodáay shogr ent, harchont pésará gonáhay golám atét, nun shomá pa setke del hamá tálimay parmánbardári kortag ke áiay sepordah butagét.

Pulosay kágad pa Rumián 6:22

Bale nun ke cha gonáhay némagá ázát butagét o Hodáay golám ét, samaré ke katthét palgári ent o áiay ásar namiránén zend.

Pulosay kágad pa Rumián 6:6

Má zánén ke may kwahnén hasti o zend, gón áiá salibay sará dranjag but tánke hamá jesm o ján bérán bebit ke gonáhay golám ent o má cha ed o rand gonáhay golámiá makanén.

Pa Galátián Pulosay kágad 6:3

Agan kasé watá mazana lékit bale hecché naent, á watá rad dayagá ent.

Pa Timutáusá Pulosay domi kágad 3:13

badén mardom o rad dayók degarán rada dayant o wat rada kapant o róch pa róch gantera bant.

Pa Timutáusá Pulosay domi kágad 3:6

Esháni nyámá anchén mardom hast ke lógáni tahá poterant o hamá janénán wati dámá dawr dayant ke nézór ant o gonáhá bár ant o har paymén radén wáhagáni golám ant.

Pa Titusá Pulosay kágad 1:16

É mardoma gwashant ke má Hodáyá zánén, bale áyáni kár pésha dárant ke áiá nazánant. Choshén mardom bazzhenák ant, náparmán ant o hecch sharrén káray kábel naant.

Pa Titusá Pulosay kágad 2:12

É rahmat márá tálima dant ke má watá cha hodánáparmáni o donyái hawá o hawasán dur bedárén o hamé wahdá ke má wati mobárakén ométay entezár o wadárá én, bezán wati mazanén Hodá, wati rakkénókén Issá Masihay porshawkatén áyagay wadárá én, é donyáyá pa jenday dásht o pahrézkári o Hodátorsi zend begwázénén.

Ákub 1:26

Á kas ke watá Hodádósté zánt bale wati zobánay mahárá dáshta nakant, watá rada dant o galáénit o áiay “Hodádóstiá” páedagé nést.

Petrosay Awal Kágad 1:14

Habarzurén chokkáni paymá bebét. Maylét ke shomay zend hamá dhawlá sellén wáhagáni dastá bebit ke shomay názántiay wahdá butag.

Elhám 12:9

Baláhén azhdiá dar kanag but, hamá kwahnén már, ke Eblis o Shaytán gwashaga bit o sajjahén donyáyá gomráh kanagá ent. Á gón wati préshtagán zeminá dawr dayag but.

Elhám 13:14

É neshániáni sawabá ke eshiá rastaray démá pésh dáragay ejázat dayag but, eshiá zeminay sará neshtagén mardom rada dátant. Hokmi dátant ke “Hamá rastaray sharapá boté jórh kanét ke zahmé laggetagi, thappig butag bale angat zendag mantag.”

Elhám 18:2

Gón mazanén tawáréá kukkári kort: “Kaptag, kaptag, mazanén Bábel, nun palitén ruháni menendjáh butag o har nápákén arwáhay jágah ent o har nápákén morgay kodóh ent o har nápák o bazzhnákén sahdáray lóg ent.”