Mattá 9:35 - Hodáay Pákén Ketáb Balochi zobáná

³⁵ Issá sajjahén shahr o métagána shot o kanisaháni tahá mardomi dars o sabakka dátant, Hodáay bádsháhiay mestági sheng o tálána kort o har paymén nádráhi o nezórián dur kanán at.

Mattá 9:35 ပူးပေါင်းရင်းမြစ်များ

Mattá 10:1

Randá Issáyá wati dwázdahén hásén kásed lóthetant o jennáni dar kanag o har dhawlén nádráh o nezórén mardománi dráh kanagay wák o ehtiári dátant.

Mattá 11:1

Wati dwázdahén moridáni tálim dayagá rand, Issá cha ódá dar átk o pa dars o sabakk dayag o wáz kanagá áyáni shahrán shot.

Mattá 11:5

kór gendag o maym kanagá ant, lang tarrag o ráh rawagá ant, garri pák o palgár bayagá ant, karr eshkonagá ant, mordag zendag bayagá ant o bazzag o nézgárán wasshén mestág sar bayagá ent.

Markás 1:14

Cha Yahyáay dazgir bayagá rand, Issá Jalilá shot o Hodáay bádsháhiay wasshén mestágay jári jat o

Markás 6:56

Issá har shahr o kallagéá ke shot, mardomán wati nádráh chárráháni sará áwortant o dazbandiesha kort ejázat bedant ke bimmár áiay kabáhay lambá dast bejanant. Harkasá ke dast pera kort, wassh o dráha but.

Markás 6:6

Issá, cha áyáni nábáwariá hayrán at. Randá, Issáyá é dega métag o ábádián tarr o garda kort o mardomi sabakka dátant.

Luká 13:22

Issá shahr pa shahr o métag pa métag mardomán tálim dayán dém pa Urshalimá rawagá at,

Kásedáni Kár 10:38

É kár hamesh at ke Hodáyá gón wati Pákén Ruh o zórá, Issá Náseriay sará rógen per mosht. É dhawlá á, har jáh ke shot, gón wati nékén kárán, á sajjahén mardom ke Shaytánay bandig atant dráhia kortant, chéá ke Hodá gón áiá gón at.

Kásedáni Kár 2:22

Oo Esráilián! Delgósh kanét. Anchosh ke shomá wata zánét, Hodáyá shomay nyámá mójezah o ajekkái o ajabbatén nesháni cha Issá Náseriay némagá záher o paddar kort o é dhawlá pa áiá gwáhi dáti.