Mattá 9:26 - Hodáay Pákén Ketáb Balochi zobáná

²⁶ É hál, sajjahén damagá tálán but.

Mattá 9:26 ပူးပေါင်းရင်းမြစ်များ

Mattá 4:24

Sajjahén Suriahá áiay nám o tawár prosht o mardomán har dhawlén nájórh o nádráh, jenni, mergiay nádráh, lang o mondh Issáay kerrá áwortant o áiá dráha kortant.

Mattá 9:31

Bale á shotant o Issáay námesh sajjahén damagá tálán kort.

Markás 1:28

Dér nagwast ke Jalilay sajjahén kerr o gwarán, Issáyá nám dar áwort.

Markás 1:45

Bale á mard ke cha ódá dar kapt, wati drahbakshiay habari har jáh sheng o tálán kort. É sawabá, nun Issáyá sarzáherá, hecch shahréá shota nakort, dasht o gyábán o gestáén jágahána tarret. Bale angat mardom cha har némagá áiay kerrá átkant.

Markás 6:14

Issáay é káráni hál o habar Hirudis bádsháhay góshá raset, chéá ke Issáay nám nun portawár butagat. Lahténay gomán at, é hamá pákshódókén Yahyá ent ke padá cha mordagán zendag butag, paméshká choshén ajekkái o mójezahána kant.

Luká 4:14

Gorhá Issá gón Pákén Ruhay zór o wáká Jalilá per tarret o áiay nám o tawár á sajjahén damagá sar but.

Luká 4:37

Nun, kerr o gwaray sajjahén halk o hankénán, Issáay nám o tawár prosht o sheng but.

Luká 5:15

Bale Issáay nám o tawár angat ham har jáh sheng o tálána but o bázén mardom pa áiay habaráni gósh dárag o wati nájórhiáni dráh kanáénagá átk o áiay kerrá moccha butant.

Luká 7:17

Issáay hál o habar, sajjahén Yahudiah o kerr o gwaray sardhagárán tálán but.

Kásedáni Kár 26:26

Bádsháh Agripás wat é chizzáni bárawá sharra zánt o man pa deléri é habarán kanagá án, chéá ke deljam án, á cha é sargwastán sahig ent, é sajjahén yakk gwandhén kallag o kerréá wa nabutagant.