Mattá 9:22 - Hodáay Pákén Ketáb Balochi zobáná

²² Issáyá chakk tarrént o gwashti: “Oo mani jenekk! Delá mazan kan, tai setk o báwará tará rakkéntag.” Hamá damáná janén dráh but.

Mattá 9:22 ပူးပေါင်းရင်းမြစ်များ

Mattá 15:28

Gorhá Issáyá áiay passawá gwasht: “Oo bánok! Tai báwar mohr o rédag ent, paméshká hamá dhawl ke taw lóthay anchosha bit.” Hamá damáná áiay jenekk dráh but.

Mattá 17:18

Issáyá jenn hakkal dát, jenn dar átk o bachakk hamá damáná dráh but.

Mattá 8:13

Gorhá Issáyá gón pawji apsará gwasht: “Beraw, anchosh ke tai báwar ent, gón taw hamá dhawlá bit.” Áiay hezmatkárén bachakk hamá damáná dráh but.

Mattá 9:2

Hamé wahdá lahtén mardomá, tahtéay sará waptagén lang o mondhén mardé áiay kerrá áwort. Wahdé Issáyá áyáni setk o báwar dist, gón langá gwashti: “Oo mani chokk! Delá mazan kan, tai gonáh bakshag butant.”

Mattá 9:29

Gorhá Issáyá wati dast áyáni chammáni sará per mosht o gwashti: “Hamá dhawlá ke shomá báwar kortag, gón shomá hamá dhawlá bebit.”

Markás 10:52

Issáyá gwasht: “Beraw ke tai imáná tará dráh kort.” Kór hamá damáná biná but o Issáay hamráhiá rawán but.

Markás 5:34

Issáyá gón áiá gwasht: “Oo mani jenekk! Tai setk o báwará tará rakkéntag, pa wasshi o salámati beraw o cha wati nájórhiá dráh bebay.”

Luká 17:19

Gorhá Issáyá gón á mardá gwasht: “Pád á, beraw, ke tai setk o báwará tará dráh kortag.”

Luká 18:42

Issáyá gwasht: “Biná bebay! Tai imáná tará dráh kort.”

Luká 7:50

Nun Issáyá gón á janéná gwasht: “Tai setk o báwará tará rakként, pa wasshi o salámati beraw.”

Luká 8:48

Issáyá gwasht: “Oo mani jenekk! Tai setk o báwará tará rakkéntag, pa wasshi o salámati beraw.”

Yuhanná 4:53

Petá zánt é hamá wahd at ke Issáyá gwashtagat ke tai chokk namerit. Gorhá áiá wat gón lógay sajjahén mardomán Issáay sará imán áwort.

Kásedáni Kár 14:9

Á Pulosay habarán eshkonagá at, Pulosá tachkátachk áiay némagá cháret o zánti ke áiá pa drahbakshiá imán o báwar hast.

Kásedáni Kár 16:18

Áiá tán báz róchá anchosh gwashán kort. Godhsará, Pulos delrésh o bézár but, chakki tarrént o gón jenná gwashti: “Man tará pa Issá Masihay námá hokma dayán ke cha eshiá dar kap.” Hamá damáná jenn cha áiá dar átk.