Mattá 8:12 - Hodáay Pákén Ketáb Balochi zobáná

¹² bale é bádsháhiay chokk o óbádag dhanná taháriá dawr dayaga bant. Ódá gréwant o dantán pa dantána droshant.”

Mattá 8:12 ပူးပေါင်းရင်းမြစ်များ

Zabur 112:10

Badkára gendit o hezhmnáka bit, cha zahrá dantána droshit o ápa bit, badkáray wáhag námoráda bant.

Mattá 13:38

Dhagár donyá ent, sharrén tohm ásmáni bádsháhiay chokk ant, zahrichkay tohm Shaytánay chokk ant,

Mattá 13:42

Áyán ásay kurahá dawra dayant ke ódá gréwag o dantán pa dantán droshaga bit.

Mattá 13:50

Badkárán ásay kurahá dawra dayant ke ódá gréwag o dantán pa dantán droshaga bit.

Mattá 21:43

“Paméshká gón shomá gwashán ke Hodáay bádsháhi, cha shomá pach gerag o yakk kawméá dayaga bit ke áiay bar o samará kárit.

Mattá 24:51

Gorhá hodábond áiá thokkor thokkora kant o shatalkáráni nyámá dawra dant. Ódá gréwant o dantán pa dantána droshant.

Mattá 25:30

É nábudén golámá dhanná taháriá dawr bedayét. Ódá gréwant o dantán pa dantána droshant.’

Luká 13:28

Á wahdá, gréwét o dantán pa dantána droshét, chéá ke Ebráhém, Esák, Ákub o sajjahén paygambarán, mán Hodáay bádsháhiá gendét, bale wat cha Hodáay bádsháhiá dhanná dawr dayaga bét.

Kásedáni Kár 3:25

Shomá nabiáni poshpad o hamá ahd o kawlay mirásdár ét ke Hodáyá gón shomay pet o pirokán kortagat, wahdé gón Ebráhémá gwashti: ‘Zeminay sajjahén kawm o kabilah cha tai nasl o poshpadá barkata gerant.’

Pulosay kágad pa Rumián 9:4

Á, Esráili ant ke pa chokki zurag butagant. Shán o shawkat, ahd o paymán, Sharyatay rasag, parasteshay ráh o rahband o Hodáay labz o karár hamáyánig ant.

Petrosay Domi Kágad 2:17

É paymén mardom hoshetagén chammag o anchén báp o horm ant ke tuppán áyán har némagá bárt. Tahárterén taháróki áyáni ásar o ákebat ent.

Petrosay Domi Kágad 2:4

Hodá tantaná cha hamá préshtagán sar nagwast ke gonáhesh kort. Dózahay tahárterén tahárókiá band o zamzili kortant tán dádrasiay róch berasit.

Yahudáay Kágad 1:13

É zeray hamá mastén chawl o mawj ant ke wati sharmnákén káráni kap o gajján dara réchant. Hamá gesar o sargardánén estár ant ke tahárterén taháróki áyáni abadi ásar o ákebat ent.

Elhám 22:15

Bale kochekk, jáduger, zenahkár, hónig, botparast o harkas ke dróga bandit o gón drógá mehra kant, é sajjahén cha shahrá dhanna bant.