Mattá 7:11 - Hodáay Pákén Ketáb Balochi zobáná

¹¹ Shomá ke radkár ét, angat wati chokkán sharrén chizzáni dayagá zánét. Gorhá shomay ásmáni Pet chinkadar shartera zánt ke wati lóthókén chokkán wasshén chizz bedant.

Mattá 7:11 ပူးပေါင်းရင်းမြစ်များ

Pédáesh 6:5

Hodáwandá dist ke ensánay radkári zeminay sará sakk báz ant o sajjahén del o hayálesh modám gón badiá ent o bass.

Pédáesh 8:21

Esháni wasshén bó ke Hodáwanday kerrá sar but, wati delá gwashti: “Man cha ed o rand hechbar zeminá ensánay sawabá nálata nakanán, bell toré cha kasániá áiay delay wáhag bad ant. Cha ed o dém hechbar sajjahén sahdárán é paymá hórigá gár o gomsára nakanán ke annun kortagon.

Zabur 84:11

ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.

Zabur 85:12

Béshakk, Hodáwand nékén chizza bakshit o may zemin áiay bar o samará kárit.

Zabur 86:15

Bale taw, oo Hodáwand, rahm kanók o mehrabánén Hodáé ay, hezhm geragá déra kanay o mehr o wapáyá sarréch ay.

Zabur 86:5

Taw, oo Hodáwand, nék o bakshendah ay o pa áyán cha mehrá sarréch ay ke gón taw peryáta kanant.

Mattá 23:9

Shomá é donyáyá hechkasá ‘pet’ tawár makanét chéá ke shomárá yakk Peté hast, hamá ke ásmáná ent.

Mattá 7:10

Yá agan máhig belóthit máré bedanti?

Yuhanná 3:16

Chéá ke Hodáyá jahánay mardom haminchok dóst dáshtant ke wati yakk o yakdánagén Chokki nadr kort tánke harkas ke Hodáay Chokkay sará imána kárit, gár o zyán mabit o tán abad zendag bemánit.

Pulosay kágad pa Rumián 3:19

Nuna zánén, Sharyat har ché ke gwashit pa hamá mardomán ent ke Sharyatay sáhegá ant, tán sajjahén dap band bebant o sarjamén donyá Hodáay bárgáhá mayárig bebit.

Pulosay kágad pa Rumián 3:9

Gorhá ché begwashén? May, Yahudiáni hál cha á degarán gehter ent? Na, hecch paymá gehter naent! Chéá ke má é habar paddar o pakká kortag ke sajjahén mardom, Yahudi o Yunáni, gonáhay bandig ant.

Pulosay kágad pa Rumián 8:32

Á ke wati Chokkay parwáhi nakort o pa maygi cha áiá sar gwast, gón áiá hawár, á dega sajjahén chizzán ham márá nadant?

Pa Galátián Pulosay kágad 3:22

Bale Pákén Ketába gwashit ke har ensán gonáhay bandig ent. Bass Issá Masihay sará báwar kanagay sawabá wádah hamá mardomán dayaga bit ke Masihay sará imána kárant.

Ákub 1:17

Har nékén dád o har tamánén tohpah o théki cha borzá kayt, cha nur o rozhnay Petay némagá ke hechbar badala nabit o hecch tahári o sáhegéá áiay arwáh o jabiná ráh nést.

Yuhannáay Awali Kágad 3:1

Bechárét ke Petá chónén mehré márá bakshetag ke Hodáay chokk zánag bebén o béshakk má Hodáay chokk én. Donyá márá nazánt o pajjáha nayárit chéá ke donyáyá á ham pajjáh nayáwort.

Yuhannáay Awali Kágad 4:10

Má gón Hodáyá mehr nakortag, mehr hamesh ent ke áiá kortag o wati Chokki dém dátag tán pa may gonáháni shodagá korbánig kanag bebit.