Mattá 6:5 - Hodáay Pákén Ketáb Balochi zobáná

⁵ Wahdé dwá kanét, gorhá doru o dopóstén mardománi dhawlá makanét, chéá ke áyán kanisaháni tahá o chárráháni sará óshtag o dwá kanag dósta bit, tánke mardom áyán begendant. Shomárá rásténa gwashán, mozzé ke áyán rasagi at, rasetesh.

Mattá 6:5 ပူးပေါင်းရင်းမြစ်များ

Zabur 5:2

Oo mani bádsháhén Hodá! Mani peryátá beshkon, chiá ke tai gwará dwá kanán.

Zabur 55:17

Bégáh o sabáh o némróchá zanga janán o peryáta kanán o á mani tawárá eshkont.

Dányál 6:10

Nun wahdé Dányál sahig but ke choshén parmáné dashatt kanag butag, wati lógay hamá borzi kóthiá shot ke darigi dém pa Urshalimá pacha butant o anchó ke modám kortagati, róché say randá kóndhána kapt, dwáia kort o wati Hodáay shogria gept.

Mattá 21:22

Agan shomá báwar kanét, harché ke wati dwáyáni tahá lóthét, shomárá dayaga bit.”

Mattá 23:13

Bale bazhn o apsóz pa shomá, oo Sharyatay zánógerán o Parisián! Oo dopóstén shatalkárán! Shomá mardománi démá ásmáni bádsháhiay darwázagá banda kanét, na wata poterét o na degarána kellét.

Mattá 23:5

Á harché ke kanant, pa mardománi pésh dáragá kanant o bass. Wati táitán mazana kanant o kabáhay lambán drájkassh.

Mattá 23:6

Mehmánián, awali reday nendagesh dóst ent o kanisaháni sharterén jáhán gechéna kanant.

Mattá 6:1

Hozzhár bét! Wati nékén kárán pa mardománi pésh dáragá makanét, chéá ke é dhawlá shomárá cha ásmáni Petay némagá hecch mozzé narasit.

Mattá 6:16

Wahdé róchaga bét, doru o dopóstén mardománi dhawlá wati démá tábán o gamnák makanét. Á wati ruá gimmorénant o munjá kanant tán mardom bezánant róchag ant. Shomárá rásténa gwashán, mozzé ke áyán rasagi at, rasetesh.

Mattá 6:2

Wahdé chizzé hayráta kanay, gorhá jár majan o dhandhór makan. Doru o dopóstén mardom, kanisah o kuchah o damkáni tahá é dhawlá kanant tánke mardom áyán satá bekanant o besárháyant. Shomárá rásténa gwashán, mozzé ke áyán rasagi at, rasetesh.

Mattá 9:38

Paméshká gón kesháray wáhondá dazbandi bekanét o belóthét ke pa wati keshárán ronók dém bedant.”

Markás 11:25

Har wahdá ke pa dwáyá óshtét, agan shomárá gón yakkéá gelage hast, wati dwáay tahá áiá bebakshét, tánke shomay ásmáni Pet ham, shomay gonáh o mayárán bebakshit.

Markás 12:38

Padá, Issáyá wati tálimáni tahá gwasht: “Cha Sharyatay zánógerán hozzhár bét ke áyán, drájén jámag o kabáh gwará kanag dósta bit o bázáráni tarr o gardá, cha mardomán wasshátk o drahbáta lóthant.

Luká 11:43

Oo Parisián! Bazhn o apsóz pa shomá ke kanisaháni awali red o srapay nendag o bázárán mardománi wasshátk o drahbátán dósta dárét.

Luká 18:1

Issáyá pa moridán mesálé áwort tán áyán sarkech bedant o pésh bedárit ke harwahd dwá bekanant o hechbar delprósh o náomét mabant.

Luká 18:13

Bale hamá máliátgir dur óshtátagat o ásmáni cháret ham nakort. Dasti wati sénagá jat o peryát kanáná gwashti: ‘Oo Hodá! Tará mani sará bazzag bát ke gonahkáré án.’

Luká 20:47

Janózámáni lógán gón málwáriá barant o pa pésh dáragá wati dwá o sanáyán drájkassha kanant. Eshán sakterén sezá o padmozza rasit.”

Luká 6:24

Bale bazhn o apsóz pa shomá ke hastómand ét, chéá ke shomárá árám o ásudagi rasetag.

Yuhanná 16:24

Tán é wahdi shomá hecch chizz mani námay sará nalóthetag, belóthét tánke shomárá berasit o shomay shádmáni sarjam bebit.

Pa Tesálunikián Pulosay awali kágad 5:17

Har wahdá dwá bekanét.

Ákub 4:6

Bale rahmaté ke á márá bakshit, béhesáb géshter ent. Paméshká Pákén ketába gwashit: Hodá porkebr o gorunákén mardománi helápá mohra óshtit, bale békebr o darbéshén mardománi sará wati rahmatána gwárénit.